ଏନଏନଏସ୍: ତେଲକୋଇ ବନାଞ୍ଚଳ ବିମଳା ଫରେଷ୍ଟ ସେକ୍ସନ ବନବିହାରିପୁର ଗାଁରେ ହାତୀ ଆକ୍ରମଣରେ ମହିଳା ମୃତ । ମୃତ ମହିଳା ଜଣକ ହେଉଛନ୍ତି ଦ୍ରୌପଦୀ ନାୟକ । ସେ ଆକୁଳ ପଞ୍ଚାୟତ ୧୦ନଂ ୱାର୍ଡର ୱାର୍ଡ ମେମ୍ବର ଥିଲେ । ସୂଚନା ଅନୁଯାୟୀ ଗତକାଲି ରାତିରେ ଝଡ ତୋଫାନ ହୋଇଥିବାରୁ ଦ୍ରୌପଦୀ ସକାଳୁ ସକାଳୁ ଆମ୍ବ ତୋଟାକୁ ଆମ୍ବ ଗୋଟାଇବାକୁ ଯାଇଥିଲେ । ଆମ୍ବ ଗୋଟାଇବା ସମୟରେ ସେ ହାତୀ ହାବୁଡରେ ପଡ଼ିଯାଇଥିଲେ । ଯାହାଫଳରେ ସେ ହାତୀ ଆକ୍ରମଣର ସିକାର ହୋଇଥିଲେ ।
ହାତୀଟି ଦ୍ରୌପଦୀଙ୍କୁ ଶୁଣ୍ଢରେ ଆକ୍ରମଣ କରି ଫୋପାଡ଼ି ଦେଇ ପଳାଇଥିଲା।କିଛି ସମୟ ପରେ ଘରଲୋକେ ତାଙ୍କୁ ଉଦ୍ଧାର କରି ତେଲକୋଇ ମେଡିକାଲକୁ ଆଣିଥିଲେ । କିନ୍ତୁ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ । ତେବେ ଏ ଘଟଣା ପରେ ବନଭିଭାଗ ପକ୍ଷରୁ ମୃତକଙ୍କ ପରିବାରକୁ ପ୍ରଥମ ପର୍ୟ୍ୟାୟରେ ୬୦ ହଜାର ଟଙ୍କା ଅନୁକମ୍ପା ରାଶି ପ୍ରଦାନ କରାଯାଇଛି।
