ଏନଏନଏସ୍: ଦିଲ୍ଲୀ ଏୟାରପୋର୍ଟରେ ଜଣେ ମହିଳାଙ୍କୁ ଗିରଫ କଲା ପୋଲିସ। ସୂଚନା ଅନୁଯାୟୀ ଏୟାରପୋର୍ଟ ଭିତରେ ଜଣେ ମହିଳା ପାଖରୁ ୨୨ଟି ଜୀବନ୍ତ ଗୁଳି ଏବଂ ଏକ ଖାଲି ବନ୍ଧୁକ ଜବତ କରାଯାଇଛି। ଏହି ଖବର ପୋଲିସକୁ ମିଳିବା ପରେ ଉକ୍ତ ମହିଳାଙ୍କୁ ପୋଲିସ ଗିରଫ କରି କିପରି ଏସବୁ ତାଙ୍କ ପାଖକୁ ଆସିଲା ସେନେଇ ଯାଞ୍ଚ କରୁଛି।
ଖବର ମୁତାବକ, ଅକାସା ବିମାନରେ ଦିଲ୍ଲୀରୁ ମୁମ୍ବାଇ ଯାଉଥିବା ଏହି ମହିଳାଙ୍କ ନିକଟରୁ ୨୨ଟି ଜୀବନ୍ତ ଗୁଳି ଓ ଏକ ଖାଲି ବନ୍ଧୁକ ଜବତ କରିବା ସହିତ ମହିଳାଙ୍କୁ ଗିରଫ କରିଛି ପୋଲିସ। ଏହି ମହିଳାଙ୍କ ନାମ ଯଶୀ ସିଂହ ବୋଲି ପୋଲିସ ସୂଚନା ଦେଇଛି। ମହିଳାଙ୍କ ପାଖରେ ବନ୍ଧୁକ ରଖିବା ଲାଗି ଆବଶ୍ୟକ କାଗଜପତ୍ର ନ ଥିଲା। ଏନେଇ ଆଜିଆଇ ଏୟାରପୋର୍ଟ ଥାନାରେ ଧାରା ୨୫ ଅସ୍ତ୍ରଶସ୍ତ୍ର ଅଧିନିୟମ ଆଧାରରେ ମାମଲା ରୁଜୁ କରାଯାଇ ଯାଞ୍ଚ ଆରମ୍ଭ ହୋଇଛି।
