ପୁଷ୍ପା ଫିଲ୍ମ ଗୀତରେ ନାଚିଲେ ଭାରତୀୟ କ୍ରିକେଟର ପୂର୍ବତନ ଅଧିନାୟକ ବିରାଟ କୋହଲି | ପୁଷ୍ପା ଚଳଚ୍ଚିତ୍ର ‘ ଓ ଅନ୍ତଭା ‘ଗୀତରେ କୋହଲିଙ୍କ ଜବରଦସ୍ତ ଡ୍ୟାନ୍ସ ତାଙ୍କ ପ୍ରଶଂସକଙ୍କୁ ମତୁଆଲା କରିଛି | ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଷ୍ଟାର ଖେଳାଳି ଗ୍ଲେନ୍ ମ୍ୟାକ୍ସୱେଲଙ୍କ ମ୍ୟାରେଜ ପାର୍ଟିରେ ବିରାଟ କୋହଲିଙ୍କ ଏହି ଡ୍ୟାନ୍ସ ଏବେ ସୋସିଆଲ ମିଡ଼ିଆରେ ବେଶ ଭାଇରାଲ ହେବାରେ ଲାଗିଛି ।
କରୋନା କାରଣରୁ ଚଳିତ ଆଇପିଏଲରେ ଖେଳାଳୀ ମାନେ ବାୟୋ ବବଲରେ ରହୁଛନ୍ତି । କଟକଣା ଭିତରେ ବି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଗ୍ଲେନ ମ୍ୟାକ୍ସୱେଲଙ୍କ ପାଇଁ ମ୍ୟାରେଜ ପାର୍ଟିର ଆୟୋଜନ କରିଥିଲା । ବୁଧବାର ଏହି ପାର୍ଟିରେ ଦଳର ସମସ୍ତ ଖେଳାଳୀମାନେ ଜବରଦସ୍ତ ଡ୍ୟାନ୍ସ କରୁଥିବା ଦେଖିବାକୁ ମିଳିଥିଲା | ଏହି ପାର୍ଟିରେ ବିରାଟ କୋହଲି କଳା କୁର୍ତ୍ତା ଓ ଧଳା ରଙ୍ଗର ପାଇଜାମା ପିନ୍ଧିଥିବା ନଜର ଆସିଥିଲେ। ସେ ଶାହାବାଜ ଅହମ୍ମଦ ଏବଂ ଆରସିବି ଅଧିନାୟକ ଫାଫ ଡୁପ୍ଲେସିଙ୍କ ସହ ଜୋରଦାର ମଜାମସ୍ତି କରିଥିଲେ । ଖାସକରି ଏହି ପାର୍ଟିରେ କୋହଲିଙ୍କ ଡ୍ୟାନ୍ସ ସୋସିଆଲ ମିଡ଼ିଆରେ ଜୋରଦାର ଭାଇରାଲ ହେବାରେ ଲାଗିଛି ।
ସୂଚନା ଥାଉକି, ଅଷ୍ଟ୍ରେଲୀୟ ଅଲରାଉଣ୍ଡର ଗ୍ଲେନ୍ ମ୍ୟାକ୍ସୱେଲ ଗତ ମାସ୨୭ ତାରିଖରେ ଭାରତୀୟ ବିନି ରମନଙ୍କୁ ତାମିଲ ରୀତିନୀତି ଅନୁସାରେ ବିବାହ କରିଥିଲେ। ୨୭ ଏପ୍ରିଲରେ ବିବାହର ଏକ ମାସ ପୂରଣ ଅବସରରେ ଆରସିବି ଫ୍ରାଞ୍ଚାଇଜ୍ ମ୍ୟାକ୍ସୱେଲଙ୍କୁ ଏହି ପାର୍ଟି ଦେଇଥିଲା |
