ବିଜେଡି ସାଂସଦ ସସ୍ମିତ ପାତ୍ରଙ୍କ ରାଜ୍ୟସଭା ସଦସ୍ୟ କାର୍ଯ୍ୟକାଳ ଆଜି ସରିଛି | ଏହି ଅବସରରେ ସଂସଦର ଉଚ୍ଚସଦନକୁ ସମ୍ବୋଧିତ କରିଛନ୍ତି ଉପରାଷ୍ଟ୍ରପତି ତଥା ରାଜ୍ୟସଭା ଅଧ୍ୟକ୍ଷ ଭେଙ୍କେୟା ନାଇଡୁ | ସେ ତାଙ୍କ ବିଦାୟ ଅଭିଭାଷଣରେ ସାଂସଦ ସସ୍ମିତ ପାତ୍ରଙ୍କ କାର୍ଯ୍ୟକଳାପର ଭୂୟଂସୀ ପ୍ରଶଂସା କରିଛନ୍ତି । ପ୍ରଥମ ଥର ଲାଗି ରାଜ୍ୟସଭା ସଦସ୍ୟ ଭାବେ ନିର୍ବାଚିତ ହୋଇ ଗୃହର ଆଦବକାଇଦାକୁ ଖୁବଶୀଘ୍ର ଆପଣାଇ ନେଇଥିଲେ ସସ୍ମିତ । ପ୍ୟାନେଲର ଉପାଧ୍ୟକ୍ଷ ରହି ଖୁବ ଦକ୍ଷତାର ସହ ଗୃହ ପରିଚାଳନା କରିଥିଲେ ବୋଲି କହିଥିଲେ ଭେଙ୍କେୟା ନାଇଡୁ | ଅଧ୍ୟକ୍ଷ ଭେଙ୍କେୟା ନାଇଡୁଙ୍କ ପ୍ରଶଂସା ପାଇଁ ତାଙ୍କୁ ଧନ୍ୟବାଦ ଜଣାଇଥିଲେ ବିଜେଡି ସାଂସଦ ସସ୍ମିତ |
ସୂଚନା ଥାଉକି, ଆଜି ବିଜେଡିର ତିନି ଜଣ ରାଜ୍ୟସଭା ସଦସ୍ୟଙ୍କ କାର୍ଯ୍ୟକାଳ ଶେଷ ହୋଇଛି । ସସ୍ମିତ ପାତ୍ର, ଏନ. ଭାସ୍କର ରାଓ ଓ ପ୍ରସନ୍ନ ଆଚାର୍ଯ୍ୟଙ୍କ କାର୍ଯ୍ୟକାଳ ଶେଷ ହୋଇଛି । ତେବେ ରାଜ୍ୟସଭାରେ ଆଜି ମୋଟ ୭୨ ସଦସ୍ୟଙ୍କର କାର୍ଯ୍ୟକାଳ ଶେଷ ହୋଇଛି । କାର୍ଯ୍ୟକାଳ ଶେଷ ହୋଇଥିବା ସମସ୍ତ ସଦସ୍ୟଙ୍କୁ ଅବସରକାଳୀନ ବାର୍ତ୍ତା ଦେଇଥିଲେ ଅଧ୍ୟକ୍ଷ ଭେଙ୍କେୟାନାଇଡୁ |
