କମେଣ୍ଟମରାକୁ ନେଇ ହତ୍ୟାକାଣ୍ଡ | ସାନଭାଇର ଶାଳୀକୁ ଅଶାଳୀନ ଭାଷାରେ କମେଣ୍ଟ ମାରିବାକୁ ନେଇ ଦୁଇ ଭାଇଙ୍କ ମଧ୍ୟରେ ହୋଇଥିଲା ତୁମୁଳକାଣ୍ଡ | ସାନଭାଇ ବଡଭାଇକୁ କରିଥିଲେ ଗାଳିଗୁଲଜ | ଉତ୍ୟକ୍ତ ବଡଭାଇ ସାନଭାଇର ବେକକୁ ମୋଡି କରିଛନ୍ତି ହତ୍ୟା | ବଲାଙ୍ଗୀର ରୋଡ ରେଳ ଷ୍ଟେସନ ନିକଟରେ ଥିବା ଚମରାପଡାରେ ଘଟିଛି ଏହି ହତ୍ୟାକାଣ୍ଡ I ହତ୍ୟାକାରୀ ବଡଭାଇ ରାଜୀନ ରୋହିଦାସଙ୍କୁ ଗିରଫ କରିଛି ଟାଉନ୍ ଥାନା ପୋଲିସ I
ସୂଚନାରୁ ଜଣାଯାଇଛି ଯେ, ଚମରାପଡାରେ ବଡଭାଇ ରାଜୀନ ରୋହିଦାସ ଓ ତାଙ୍କ ସାନଭାଇ ଜୋସେଫ ରୋହିଦାସ ପରିବାର ସହ ରୁହନ୍ତି | ଉଭୟ କବାଡି କାମ କରି ପରିବାର ପ୍ରତିପୋଷଣ କରନ୍ତି I ଜୋସେଫଙ୍କ ଘରେ ତାଙ୍କ ଅବିବାହିତା ଶାଳୀ ରହୁଥିଲେ I ବଡ ଭାଇ ରାଜିନ ଅନେକ ସମୟରେ ମଦ୍ୟପାନ କରି ଆସି ଜୋସେଫଙ୍କ ଶାଳୀଙ୍କୁ ଅଶାଳୀନ ଭାଷାରେ କମେଣ୍ଟ କରୁଥିଲେ I ଯାହାକୁ ନେଇ ଗତକାଲି ସନ୍ଧ୍ୟାରେ ଦୁଇ ଭାଇଙ୍କ ମଧ୍ୟରେ ହୋଇଥିଲା ଝଗଡା I ତେବେ ଜୋସେଫ ତାଙ୍କ ଝିଅ ସହିତ ବାହାରେ ଶୋଇଥିବା ବେଳେ ରାଜିନ ଜୋସେଫକୁ ଆକ୍ରମଣ କରିଥିଲେ I ଆକ୍ରମଣରୁ ଜୋସେଫଙ୍କ ଝିଅ ଅଳ୍ପକେ ବର୍ତ୍ତି ଯାଇଥିବାବେଳେ ଘଟଣାସ୍ଥଳରେ ଜୋସେଫଙ୍କ ମୃତ୍ୟୁ ଘଟିଥିଲା I ପରିବାର ଲୋକେ ତାଙ୍କୁ ତୁରନ୍ତ ଡାକ୍ତରଖାନା ନେଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ I ଟାଉନ୍ ଥାନା ପୋଲିସ ଅଭିଯୁକ୍ତଙ୍କୁ ଗିରଫ କରି ଘଟଣାର ତଦନ୍ତ ଆରମ୍ଭ କରିଛି I
