କେନ୍ଦ୍ରାପଡା ଉଚ୍ଚ ମାଧ୍ୟମିକ ବିଦ୍ୟାଳୟର ବିଜ୍ଞାନ ବିଭାଗରେ ଟପ୍ପର ହୋଇଛନ୍ତି କେନ୍ଦ୍ରାପଡା ସହର ବଡହାଟ ଅଞ୍ଚଳର ଡିକେ ରାଜକିରଣ । ରାଜକିରଣ ମୋଟ ୬୦୦ ନମ୍ବରରୁ ୫୭୧ ନମ୍ବର ଅର୍ଥାତ ୯୫.୨ ପ୍ରତିଶତ ନମ୍ବର ରଖି ଉତ୍ତୀର୍ଣ୍ଣ ହୋଇଛନ୍ତି । ଏଥି ସହିତ କେନ୍ଦ୍ରାପଡା ଜିଲ୍ଲାର ସମସ୍ତ ବିଜ୍ଞାନ ଛାତ୍ରଛାତ୍ରୀଙ୍କ ମଧ୍ୟରେ ସେ ଟପ୍ପର ମଧ୍ୟ ହୋଇଛନ୍ତି । ପିଲାଟି ଦିନରୁ ଶିକ୍ଷାରେ ଏକାଗ୍ରତା ରଖି ଆସିଥିବା ରାଜକିରଣ ମାଧ୍ୟମିକ ଶ୍ରେଣୀରେ ବିଭିନ୍ନ ପ୍ରତିଯୋଗିତାରେ ସଫଳ ହୋଇ ମେଡାଲ ପାଇବାକୁ ଯୋଗ୍ୟା ବିବେଚିତା ହୋଇଥିଲେ । ବିଜ୍ଞାନ ପାଠପ୍ରତି ଋଚି ରଖିଆସିଥିବା ରାଜକିରଣ ଭବିଷ୍ୟତରେ ଜଣେ ଭଲ ଡାକ୍ତର ହେବାକୁ ଇଚ୍ଛା ପ୍ରକାଶ କରିଛନ୍ତି । ରାଜକିରଣଙ୍କ ପିତା ଦିଲ୍ଲିପ ସାହୁ ପେଶାରେ ଜଣେ ଅଧ୍ୟାପକ ଓ ମା’ କନକଲତା ବେହେରା କେନ୍ଦ୍ରାପଡା ଜିଲ୍ଲାରେ ଶିଶୁ ସୁରକ୍ଷା ବିଭାଗରେ କାର୍ଯ୍ୟରତ ଅଛନ୍ତି । ଝିଅର ପାଠପଢ଼ା ପ୍ରତି ଆଗ୍ରହ ଏବଂ ସଫଳତା ଦେଖି ଉଭୟ ପିତାମାତା ବହୁତ ଖୁସି । ଏବଂ ରାଜକିରଣଙ୍କୁ ଭବିଷ୍ୟତରେ ଡାକ୍ତର କରିବାର ଆଶା ରଖିଛନ୍ତି ପିତାମାତା ।
#kendrapara #topper #NNSODIA
