ଆଜି ଚୈତ୍ରମାସର ତୃତୀୟ ମଙ୍ଗଳବାର: ଗଞ୍ଜାମର ତାରାତାରିଣୀ ପୀଠରେ ମାଆଙ୍କ ଦର୍ଶନ ପାଇଁ ଲାଗିଛି ପ୍ରବଳ ଭିଡ

ଗଞ୍ଜାମ,(ଏନଏନଏସ ଓଡ଼ିଆ /୨୮.୦୩): ଆଜି ପବିତ୍ର ଚୈତ୍ରମାସର ତୃତୀୟ ମଙ୍ଗଳବାର । ରାଜ୍ୟର ପ୍ରମୁଖ ଶକ୍ତିପୀଠରେ ମାଆଙ୍କୁ ଦର୍ଶନ କରିବାକୁ ଲାଗିଛି ଭକ୍ତଙ୍କ ଗହଳି । ଗଞ୍ଜାମ ଜିଲ୍ଲାର ଅଧିଷ୍ଠାତ୍ରୀ ଦେବୀ ମା’ ତାରାତାରିଣୀଙ୍କ ଚୈତ୍ର ଯାତ୍ରା ।‌ ଏଥିପାଇଁ ସକାଳୁ ସକାଳୁ ମାଙ୍କୁ ଦର୍ଶନ କରିବା ପାଇଁ ଭକ୍ତଙ୍କ ଲମ୍ବା ଧାଡ଼ି ଦେଖିବାକୁ ମିଳିଛି । ମାଆ ଆଜି ମହା ସରସ୍ଵତୀ ରୂପରେ ଭକ୍ତଙ୍କୁ ଦର୍ଶନ ଦେଉଛନ୍ତି । ଆଜି ମାଆଙ୍କ ଦର୍ଶନ ସକାଳ ସାଢେ ତିନିଟାରୁ ଆରମ୍ଭ ହୋଇଥିଲା ।ଚୈତ୍ର ଯାତ୍ରା ସମୟରେ ମା’ଙ୍କୁ ଦର୍ଶନ କଲେ ସମସ୍ତ ପ୍ରକାରର ମନସ୍କାମନା ପୂର୍ଣ୍ଣ ହୁଏ ବୋଲି ଭକ୍ତଙ୍କ ଅତୁଟ ବିଶ୍ବାସ ରହିଛି ।