କଟକ(ଏନଏନଏସ୍): ଶେଷ ହୋଇଛି ରମଜାନ ମାସ । ଆଜି ଖୁବ୍ ଧୂମଧାମରେ ଛୋଟ ରୁ ବଡ ସମସ୍ତେ ଇଦ୍ ପାଳନ କରିବେ । ସମଗ୍ର ଦେଶ ସହିତ ଓଡ଼ିଶାରେ ମଧ୍ୟ ଆଜି ପବିତ୍ର ଇଦ୍ ପାଳନ ହେବ। ଇଦ୍ ପାଳନ ନେଇ ଘୋଷଣା କିରିଛି କଟକ ଚାନ୍ଦ କମିଟି । ଗତକାଲି ସଂଧ୍ୟାରେ ଚନ୍ଦ୍ର ଦର୍ଶନ ହେବା ପରେ ଆଜି ଇଦ୍ ପାଳନ କରିବାକୁ କଟକ ଦେୱାନ ବଜାର ଚାନ୍ଦ କମିଟି ନିଷ୍ପତ୍ତି ଗ୍ରହଣ କରିଛି। ଭାଇଚାରାର ସହର କଟକ ଇଦ୍ ପାଳିବାକୁ ନେଇ ଉତ୍ସବ ମୁଖରିତ ହୋଇଛି ।
ଏନେଇ ସହରରେ ଥିବା ସମସ୍ତ ୩୦ରୁ ଉର୍ଦ୍ଧ୍ଵ ମସଜିଦରେ ଇଦ୍ ର ନମାଜ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଅନ୍ୟପଟେ ଇଦ୍ ପର୍ବକୁ ଶାନ୍ତି ଶୃଙ୍ଖଳାର ସହ ପାଳନ କରିବା ପାଇଁ ୨୦ ପ୍ଲାଟୁନ୍ ପୋଲିସ୍ ଫୋର୍ସ ନିୟୋଜିତ କରାଯାଇଛି ।
