ଅଗ୍ନିକାଣ୍ଡ ରେ ଜଳିଗଲା ୩ ଵଖରା ଘର

ବିଦ୍ୟୁତ ସର୍ଟସର୍କିଟରୁ ଅଗ୍ନିକାଣ୍ଡ ହୋଇ ୩ ବଖରା ଘର ସଂପୂର୍ଣ୍ଣ ଜଳି ଯାଇଥିବା ବେଳେ ଗୁହାଳ ଭିତରେ ଥିବା ଗୋଟିଏ ଗାଈ ସହିତ ଦୁଇଟି ବାଛୁରୀ ଗୁରୁତର ଆହତ ହୋଇଛନ୍ତି। ଏଭଳି ଘଟଣା ଘଟିଛି ଜଗତସିଂହପୁର ଜିଲ୍ଲା ତିର୍ତ୍ତୋଲ ବ୍ଲକ ଅନ୍ତର୍ଗତ ତୁଳଙ୍ଗ ପଞ୍ଚାୟତ ନରସିଂହପୁର ଗ୍ରାମରେ। ମିଳିଥିବା ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ନରସିଂହପୁର ଗ୍ରାମର ଅଶୋକ ମହାନ୍ତି ଓ ଚିତ୍ତରଞ୍ଜନ ମହାନ୍ତିଙ୍କ ଘରେ ସର୍ଟସର୍କିଟରୁ ଅଗ୍ନିକାଣ୍ଡ ହୋଇଥିଲା। ଅଗ୍ନିକାଣ୍ଡରେ ୩ ବଖରା ବାସଗୃହ ସମେତ ଗୁହାଳ ଘର ସଂପୂର୍ଣ୍ଣ ଜଳିଯାଇଥିଲା। ଅଗ୍ନିକାଣ୍ଡରେ ଗୋଟିଏ ଗାଈ ସହିତ ଦୁଇଟି ବାଛୁରୀ ଗୁରୁତର ଆହତ ହୋଇଛନ୍ତି । ଅଗ୍ନିକାଣ୍ଡ ସମୟରେ ଜୀବନ ବଞ୍ଚାଇ ପରିବାର ଲୋକ ବାହାରି ଆସିବା ବେଳେ ସାମାନ୍ୟ ଆହତ ହୋଇଥିଲେ। ଖବରପାଇ ତିର୍ତ୍ତୋଲ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଥିବା ସହିତ ନିଆଁକୁ ଆୟତ କରିଥିଲେ। ଏଭଳି ହୃଦୟ ବିଦାରକ ଘଟଣା ପରେ ସଂପୂର୍ଣ୍ଣ ଭାଙ୍ଗି ପଡିଛନ୍ତି ପରିବାର ଲୋକେ । ପ୍ରଶାସନିକ ଅଧିକାରୀ ଅଗ୍ନିବିପ୍ପନ ପରିବାରକୁ ଭେଟିବା ସହିତ ସରକାରଙ୍କ ଯାହା ସାହାଯ୍ୟ ସହଯୋଗ ରହିଛି ଯୋଗାଇଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି।।