ପୁରୀ(ଏନଏନଏସ୍): ମହାପ୍ରଭୁଙ୍କ ଦର୍ଶନରେ ଅବହେଳା । ଦିନରେ କରିବେ ସନ୍ଧ୍ୟା ଦର୍ଶନ । ଚଳିତ ବର୍ଷ ଆସନ୍ତା ୨୭ ତାରିଖରେ ନବମୀ ଦର୍ଶନ । ଏନେଇ ନବମୀ ଦର୍ଶନ ଦିନ ସକାଳ ୭ଟା ରୁ ଅପରାହ୍ନ ୫ ଟା ପର୍ଯ୍ୟନ୍ତ ମହାପ୍ରଭୁଙ୍କୁ ଦର୍ଶନ କରିପାରିବେ ଭକ୍ତ । ଏହାପରେ ଅପରାହ୍ନ ୫ଟାରୁ ଦର୍ଶନ ବନ୍ଦ କରି ବାହୁଡା ପହଣ୍ଡି ପାଇଁ ପ୍ରସ୍ତୁତି ଆରମ୍ଭ ହେବ ବୋଲି ଶ୍ରୀମନ୍ଦିର ମୁଖ୍ୟ ପ୍ରଶାସକ ରଞ୍ଜନ କୁମାର ଦାସ ସୂଚନା ଦେଇଛନ୍ତି ।
ଅନ୍ୟପଟେ ମହାପ୍ରଭୁଙ୍କ ବାହୁଡା ଯାତ୍ରା ପାଇଁ ଆଜି ଦକ୍ଷିଣ ମୋଡ ହେବ ୩ରଥ । ତିନିରଥକୁ ନାକଚଣା ଦ୍ୱାର ସମ୍ମୁଖ ଶରଧାବାଲିକୁ ନିଆଯିବ । ଏହାକୁ ଦୃଷ୍ଟିରେ ରଖି ଗତକାଲି ବୈଷୟିକ ଟିମ୍ ତିନି ରଥର ଯାଂଚ କରିଛନ୍ତି । ଆବଶ୍ୟକତା ଅନୁଯାୟୀ ରଥର ମରାମତି କାର୍ୟ୍ୟ ଶେଷ ହୋଇଛି ।
