ହିନ୍ଦୋଳ ଦେବାହାଳୀ ବୁଥରେ ଅବ୍ୟବସ୍ଥା

ରାଜ୍ୟରେ ଚାଲିଛି ତୃତୀୟ ପର୍ଯ୍ୟାୟ ମତଦାନ । ରାଜ୍ୟର ୬ଟି ଲୋକସଭା ଆସନ କଟକ, ଭୁବନେଶ୍ୱର, ପୁରୀ, ଢେଙ୍କାନାଳ, କେନ୍ଦୁଝର ଓ ସମ୍ବଲପୁର ପାଇଁ ପ୍ରାର୍ଥୀ ବାଛୁଛନ୍ତି ଜନତା ।ଏହାରି ଭିତରେ ଢେଙ୍କାନାଳ ଜିଲ୍ଲା ହିନ୍ଦୋଳ ନିର୍ବାଚନ ମଣ୍ଡଳୀରେ ଚାରୋଟି ବୁଥରେ ହେଉଛି ମତଦାନ ।

ତେବେ ଚାରୋଟି ବୁଥ ମଧ୍ୟରୁ ଦେବାହାଳୀ ବୁଥରେ ମତଦାନ କେନ୍ଦ୍ରରେ ବିଭିନ୍ନ ଅବ୍ୟବସ୍ଥା ନେଇ ଅଭିଯୋଗ କରିଛନ୍ତି ଭୋଟର । ମତଦାନ କେନ୍ଦ୍ରରେ ଟେଂଟ ସୁବିଧା ନଥିବାରୁ ପ୍ରଚଣ୍ଡ ଖରାରେ ଧାଡିରେ ଛିଡା ହୋଇ ଭୋଟ ଦେଉଛନ୍ତି ଭୋଟର । ଏହାସହ ମତଦାନ କେନ୍ଦ୍ରରେ ପାନୀୟଜଳ ସୁବିଧା ନଥିବାରୁ ଅନେକ ଅସୁବିଧାର ସମ୍ମୁଖିନ ହେଉଛନ୍ତି ଭୋଟର । ଏହି ମତଦାନ କେନ୍ଦ୍ରରେ ଟେଂଟ ସୁବିଧା ସହ ପାନୀୟଜଳର ବ୍ୟବସ୍ଥା କରିବା ନେଇ ଦାବି କରିଛନ୍ତି ଭୋଟର ।