ଆଉ କିଛି ଦିନ ପରେ ଆରମ୍ଭ ହେବାକୁ ଯାଉଛି ଟି-୨୦ ବିଶ୍ୱକପ। ଏଥର ଆମେରିକା ଓ ୱୋଷ୍ଟେଣ୍ଡିଜ ମିଳିତ ଭାବେ ବିଶ୍ୱକପ ଆୟୋଜନ କରୁଛନ୍ତି। ଜୁନ୍ ୩ରେ ମ୍ୟାଚ୍ ଆରମ୍ଭ ହେବାକୁ ଥିବାବେଳେ ଜୁନ୍ ୯ରେ ଦୁଇ ଚିର-ପ୍ରତିଦ୍ୱନ୍ଦ୍ୱୀ ଭାରତ-ପାକିସ୍ତାନ ମଧ୍ୟରେ ରହିଛି ମୁକାବିଲା। ଏହି ମ୍ୟାଚ୍ ଦିନ ଆତଙ୍କୀ ହମଲା ନେଇ ଧମକ ମିଳିବା ପରେ ଆଇସିସି ଓ ଆୟୋଜକ ପ୍ରତିକ୍ରିୟା ରଖିଛନ୍ତି।ଷ୍ଟାଡିୟମକୁ ଆତଙ୍କୀ ଧମକକୁ ନେଇ ଆଇସିସି ମୁଖପାତ୍ର କହିଛନ୍ତି, “ଆମେ ଏ ବାବଦରେ ଅବଗତ ଅଛୁ। ଇଭେଣ୍ଟରେ ପ୍ରତିଟି ବ୍ୟକ୍ତିଙ୍କ ସୁରକ୍ଷା ଓ ନିରାପତ୍ତା ଆମର ପ୍ରଥମ ପ୍ରାଥମିକତା। ଏଥିପାଇଁ ଆମେ ବ୍ୟାପକ ସୁରକ୍ଷା ବ୍ୟବସ୍ଥା କଡ଼ାକଡ଼ି କରିଛୁ। ଆୟୋଜକ ଦେଶର କର୍ତ୍ତୃପକ୍ଷଙ୍କ ସହ ମଧ୍ୟ ଘନିଷ୍ଠ ଭାବରେ କାର୍ୟ୍ୟ କରୁଛୁ। କୌଣସି ପ୍ରକାର ଅପ୍ରିତିକର ପରିସ୍ଥିତିକୁ ଏଡାଇବା ପାଇଁ ଆମେ ସଜାଗ ରହିଛୁ।”
