ଶିକ୍ଷକଙ୍କୁ ନିର୍ଧୁମ ମାଡ଼ | ଛେଚି ଦେଇଗଲେ ବିଧା ଉପରେ ବିଧା | ସମସ୍ତେ ଚୁପ | ଶିକ୍ଷା ଅଧିକାରୀଙ୍କ ଉପସ୍ଥିତିରେ ଶିକ୍ଷକଙ୍କୁ ମାଡ ମାରିଲେ ଶିକ୍ଷୟିତ୍ରୀ | ଶିକ୍ଷକଙ୍କୁ ମାଡ ମାରୁଥିବା ସମୟର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି | ଏଭଳି ଅଭାବନୀୟ ଘଟଣା ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ଏମପିଭି – ୬୫ ଉଚ୍ଚ ବିଦ୍ୟାଳୟରେ ଦେଖିବାକୁ ମିଳିଛି | କାଲିମେଳା ବ୍ଲକ ଅନ୍ତର୍ଗତ ଟିଗଲ ପଂଚାୟତର ଏମପିଭି – ୬୫ ଉଚ୍ଚ ବିଦ୍ୟାଳୟରେ ବୈଠକ ଚାଲିଥିବା ବେଳେ ଉଭୟ ଶିକ୍ଷକ ଓ ଶିକ୍ଷୟିତ୍ରୀଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା |
କୌଣସି କାରଣକୁ ନେଇ ଉତ୍ୟକ୍ତ ହୋଇପଡିଥିଲେ ଶିକ୍ଷୟିତ୍ରୀ | ପରେ ଠୋ ଠୋ କରି କରି ଦେଇଗଲେ ସମ୍ପୃକ୍ତ ଶିକ୍ଷକଙ୍କୁ | ତେବେ ସ୍କୁଲ ମାମଲା ନୁହେଁ, ବରଂ ବ୍ୟକ୍ତିଗତ କଥାବାର୍ତ୍ତାକୁ ନେଇ ମାଡ଼ ମରାଯାଇଥିବା କୁହାଯାଉଛି । ଏନେଇ ଏମଭି-୭୯ ଥାନାରେ ଶିକ୍ଷୟିତ୍ରୀ ଜଣଙ୍କ ଏକ ଲିଖିତ ଅଭିଯୋଗ କରିଥିଲେ।ପରେ ଉଭୟଙ୍କ ମଧ୍ୟରେ ବୁଝାମଣା ହୋଇଯାଇଥିବା ପୋଲିସ ପକ୍ଷରୁ ସୂଚନା ମିଳିଛି ।
