ଗନ୍-ପଏଣ୍ଟ୍ ରେ ଡକାୟତି କରି ଫେରାର ବେଳେ ଧରାପଡିଲେ ୨ କୁଖ୍ୟାତ ଡକାୟତ । ଗିରଫ ଡକାୟତ ଦ୍ୱୟ ଙ୍କ ବିରୁଦ୍ଧରେ ବିଭିନ୍ନ ଥାନାରେ ଏକାଧିକ ଚୋରି-ଡକାୟତି ଓ ରାହାଜାନୀ ଭଳି ସଙ୍ଗୀନ ମାମଲା ରହିଛି । ଡକାୟତ ଙ୍କ ଠାରୁ ନଗଦ ୩୪ ହଜାର ଟଙ୍କା ସହିତ ବାଇକ୍ ଓ ମାଉଜର ଏବଂ ୨ ଟି ଜୀବନ୍ତ ଗୁଳି ଜବତ କରିଛି ଟାଙ୍ଗୀ ପୋଲିସ । ଖୋର୍ଦ୍ଧା ଜିଲ୍ଲା ଟାଙ୍ଗୀ ଥାନା ଅଧିନସ୍ଥ ମା’ ଉଗ୍ରତାରା ମନ୍ଦିର ନିକଟ ଜଙ୍ଗଲିଆ ସ୍ଥାନରେ ବିଳମ୍ବିତ ରାତ୍ରରେ ଡକାୟତି କରିବା ବେଳେ ଏହି ଡକାୟତ ଦୁହେଁ ଧରାପଡି ଛନ୍ତି । କୃଷ୍ଣ ଚନ୍ଦ୍ର ସାହୁ ଏବଂ ତାଙ୍କ ବନ୍ଧୁ ଶଙ୍କର ପ୍ରଧାନ ଦୁହେଁ କାର୍ ଗାଡ଼ିରେ ଯାଉଥିବା ବେଳେ ଏହି ଡକାୟତ ମାନେ ତାଙ୍କୁ ଗନ୍-ପଏଣ୍ଟ୍ ରେ ଆକ୍ରମଣ କରି ଫେରାର ହେଉଥିବା ବେଳେ ପୋଲିସ ହାତରେ ଧରାପଡି ଛନ୍ତି । ଡକାୟତ ଦୁହେଁ ଆକ୍ରମଣ କରି ନିଜେ ମଧ୍ୟ ଆକ୍ରମଣ ର ଶିକାର ହୋଇଛନ୍ତି । ଗିରଫ ହୋଇଥିବା ଦୁଇ ଡକାୟତ ନୟାଗଡ ଜିଲ୍ଲା ଚାନ୍ଦପୁର ମଧୁବନ ସାହିର ନିଶିକାନ୍ତ ଓରଫ ରାଜା ବେହେରା ଏବଂ ଆଉ ଜଣେ ବାଲୁଗାଁର ଉଦ୍ଧବ ବେହେରା ବୋଲି ଏକ ସାମ୍ବାଦିକ ସମ୍ମିଳନୀରେ ବାଲୁଗାଁ ଏସଡିପିଓ ସୂଚନା ଦେଇଛନ୍ତି । ଟାଙ୍ଗୀ ଆଇଆଇସି ବିଜୟ ମଲିକ ଏହାର ତଦନ୍ତ କରୁଛନ୍ତି ।
