ଆବାସ ଯୋଜନାରେ ମହା ଘୋଟାଲା। ଖୋର୍ଦ୍ଧା ଜିଲ୍ଲାର ଟାଙ୍ଗୀ ବ୍ଲକ ଅଧିନସ୍ଥ କମାଗୁରୁ ଗ୍ରାମ । ଏହି ଗାଁରେ ରୁହନ୍ତି ଦୁର୍ଗା ଚରଣ ରଣସିଂ । ୨୦୧୬-୧୭ ମସିହାରେ BPL କାର୍ଡ ଧାରୀ ଦୁର୍ଗା ଚରଣ ରଣସିଂହ ଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ କରାଯାଇ ୧ ଲକ୍ଷ ୨୦ ହଜାର ଟଙ୍କା ପ୍ରଦାନ କରାଯାଇଛି ଏବଂ ଆବାସ ଗୃହ ନିର୍ମାଣ ହୋଇଛି ବୋଲି RTI ତଥ୍ୟରୁ ଜଣାପଡିଛି । ବାସ୍ତବ ଚିତ୍ର କିନ୍ତୁ ଓଲଟା । ଏବେ ବି ଭଙ୍ଗାରୁଜା ଘରେ ଦୁର୍ଗା ଚରଣ ରଣସିଂହ ରହୁଛନ୍ତି। ଆବାସ ଟଙ୍କା କିଏ ନେଇଛି , ଆବାସ ଘର କେଉଁଠି ହୋଇଛି , ଘର ନ-ଥାଇ ବିଲ୍ ପାସ୍ କିପରି ହେଲା , ଫାଇନାଲ୍ ବିଲ୍ ହେଲା କିପରି ? ଏ କଥା ନିଜେ ଦୁର୍ଗା ଚରଣ ରଣସିଂହ ପ୍ରଶ୍ନ କରିଛନ୍ତି । କିଭଳି ଆବାସ ଯୋଜନାରେ ମହା ଘୋଟାଲା ହେଉଛି ତାହା ଏହାର ଜ୍ୱଳନ୍ତ ଉଦାହରଣ । ଦୁର୍ଗା ଚରଣ ରଣସିଂହ ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ ହେବାପାଇଁ ଗୁହାରୀ କରି ଆସୁଥିଲେ। ଅପେକ୍ଷା କର ମିଳିବ ମିଳିବ ବୋଲି ପ୍ରଶାସନିକ ଅଧିକାରୀଙ୍କ ଠାରୁ ପ୍ରତିଶ୍ରୁତି ମିଳୁଥିଲା । ଅପେକ୍ଷା କରି କରି ଆଶା ନିରାଶା ହେବା ପରେ ଦୁର୍ଗା ଚରଣ ରଣସିଂହ ଚୁପ୍ ରହିଲେ । ଭାଗ୍ୟକୁ ଆଦରି ଭଙ୍ଗାରୁଜା ଘରେ ଦିନ କାଟିଲେ । RTI ତଥ୍ୟରୁ ଜଣାପଡିଛି ଯେ ଦୁର୍ଗା ଚରଣ ରଣସିଂହଙ୍କୁ ଆବାସ ଯୋଜନାରେ ସାମିଲ କରାଯାଇଛି ଏବଂ ସମସ୍ତ ଟଙ୍କା ( ୧ ଲକ୍ଷ ୨୦ ହଜାର ଟଙ୍କା ) ପ୍ରଦାନ କରାଯାଇଛି ବୋଲି ତଥ୍ୟ ରୁ ଜଣାପଡିଛି । କାଗଜପତ୍ରରେ କିଭଳି ଆବାସ ଯୋଜନାରେ ଗୃହ ନିର୍ମାଣ କରାଯାଉଛି , ବିଲ୍ ପାସ୍ କରାଯାଇ ଟଙ୍କା ଉଠାଇ ନେଉଛନ୍ତି । ଏହି ମହାଘୋଟାଲାର ରିଙ୍ଗ୍ ମାଷ୍ଟର କିଏ ? ତଦନ୍ତ କରିବ କି ଜିଲ୍ଲା ପ୍ରଶାସନ?
