ସନ୍ଦେହଜନକ ଭାବେ ଛାତ୍ରଙ୍କ ମୃତ୍ୟୁ

ଭୁବନେଶ୍ବର,(ଏନଏନଏସ ଓଡ଼ିଆ /୨୧.୦୩): ମ୍ୟାଟ୍ରିକ ଛାତ୍ରଙ୍କ ସନ୍ଦେହଜନକ ମୃତ୍ୟୁ। ପାଣିରେ ବୁଡ଼ି ଜଣେ ଛାତ୍ରଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇ ଛାତ୍ର ବର୍ତି ଯାଇଛନ୍ତି । ଯାହାକୁ ନେଇ ସୃଷ୍ଟି ହୋଇଛି ସନ୍ଦେହ । ଗତକାଲି ସନ୍ଧ୍ୟାରେ କୋରାପୁଟ ଜିଲା ର ସୁନାବେଡ଼ା କୋଲାବ ଜଳ ଭଣ୍ଡାର ନିକଟ ରେ ପାଣିରେ ବୁଡ଼ି ଜଣେ ଦଶମ ଶ୍ରେଣୀର ଛାତ୍ରଙ୍କ ମୃତ୍ୟୁ ଘଟିଛି। ମୃତକଙ୍କ ନାମ ଗୌତମ ଜେନା । ସେ ସିମିଳିଗୁଡା ଅଂଚଳର ଡି ମାଉଣ୍ଟ ସ୍କୁଲର ଦଶମ ଶ୍ରେଣୀ ର ଛାତ୍ର। ସେ ଏବେ ଦଶମ ଶ୍ରେଣୀ ପରୀକ୍ଷା ଦେଉଥିଲେ ଗତକାଲି ତାଙ୍କର ଗଣିତ ପରୀକ୍ଷା ଥିଲା। ଗୌତମ ଓ ତାର ଦୁଇ ସାଙ୍ଗ ନବମ ଶ୍ରେଣୀ ରେ ପଢନ୍ତି । ସେମାନେ ସମସ୍ତେ ସନ୍ଧ୍ୟାରେ ଏକ ବାଇକ ଯୋଗେ ସୁନାବେଡ଼ା ନିକଟସ୍ଥ କୋଲାବ ଜଳ ଭଣ୍ଡାର ରେ ଗାଧୋଇବାକୁ ଯାଇଥିବା ବେଳେ ଗୌତମ ବୁଡ଼ି ଯାଇଥିଲା। ସ୍ଥାନୀୟ ସୁନାବେଡ଼ା ପୋଲିସ ଓ ଫାୟାର ବ୍ରିଗେଡ ଖୋଜା ଖୋଜି କରିଥିବା ବେଳେ ରାତି ସାତଟା ପରେ ଗୌତମ ର ଲାସ ମିଳିଥିଲା। ପରିବାର ଲୋକ ଏହି ଘଟଣା କୁ ହତ୍ୟା ସନ୍ଦେହ କରି ସୁନାବେଡ଼ା ଥାନା ରେ ଲିଖିତ ଅଭିଯୋଗ କରିଛନ୍ତି। ପୋଲିସ ଦୁଇ ନାବାଳକ କୁ ପଚରା ଉଚୁରା କରୁଛି।