ବିରାଟ କୋହଲି ଭାରତୀୟ ଟେଷ୍ଟ ଦଳର କ୍ୟାପଟେନ ପଦରୁ ଇସ୍ତଫା ଦେଇଛନ୍ତି | କୋହଲିଙ୍କ ଏହି ନିଷ୍ପତ୍ତି ପର ଠାରୁ ଭାରତୀୟ ଟେଷ୍ଟ ଦଳର କ୍ୟାପଟେନ କିଏ ହେବ ସେ ନେଇ ଚର୍ଚ୍ଚା ଜୋର ଧରିଛି । କେଉଁ ଖେଳାଳି ଭାରତୀୟ ଟେଷ୍ଟ ଦଳର ମୁରବି ହେବା ଉଚିତ ସେ ନେଇ କ୍ରିକେଟ୍ ମହାନାୟକ ମାନେ ଭିନ୍ନ ଭିନ୍ନ ମତ ରଖିଛନ୍ତି | କିଛି ଲୋକ ରୋହିତ ଶର୍ମାଙ୍କ ସପକ୍ଷରେ ମତ ଦେଉଥିବା ବେଳେ କିଛି ଲୋକ କେ.ଏଲ୍ ରାହୁଲ ଏବଂ ଜସପ୍ରୀତ ବୁମରାହ, ରିଷଭ ପନ୍ତଙ୍କ ଭଳି ଖେଳାଳିଙ୍କ ନାମ ପରାମର୍ଶ କରୁଛନ୍ତି।
ମହାନ ଖେଳାଳି ସୁନୀଲ ଗାଭାସ୍କର ମଧ୍ୟ ଏହି ପ୍ରସଙ୍ଗରେ ନିଜର ମତ ଦେଇଛନ୍ତି । ସୁନୀଲ ଗାଭାସ୍କର ଚାହୁଁଛନ୍ତି ଯେ, ରିଷଭ ପନ୍ତ ପରବର୍ତ୍ତୀ ଟେଷ୍ଟ ଅଧିନାୟକ ଭାବରେ ବିରାଟ କୋହଲିଙ୍କ ସ୍ଥାନ ନେବା ଉଚିତ | କାରଣ ତାଙ୍କ ଉପରେ ଦାୟିତ୍ବ ଆସିବା ପରେ ପନ୍ତ ଭବିଷ୍ୟତରେ ଜଣେ ଭଲ କ୍ରିକେଟର ଭାବରେ ଉଭା ହେବେ ବୋଲି ସେ କହିଛନ୍ତି | ଯାହା ଭାରତୀୟ ଦଳ ପାଇଁ ଲାଭଦାୟକ ସାବ୍ୟସ୍ତ ହେବ | ରୋହିତ ଶର୍ମାଙ୍କୁ ସବୁବେଳେ ଆଘାତ ଲାଗୁଥିବାରୁ ଗାଭାସ୍କର ତାଙ୍କୁ ଅଧିନାୟକ ପଦରୁ ଦୂରେଇ ରଖିଥିବା କହିଛନ୍ତି।
ଗାଭାସ୍କର କହିଛନ୍ତି ଯେ, ଭାରତୀୟ କ୍ରିକେଟ୍ କୁ କିଏ ଆଗକୁ ନେବ ସେ ନେଇ ଚୟନ କମିଟି ପକ୍ଷରୁ ଅନେକ ବିତର୍କ ହେବାକୁ ଯାଉଛି। ପ୍ରଥମ ସେ ଜଣେ ଭଲ ଖେଳାଳୀ ହେବା ଉଚିତ, ଯିଏ ଖେଳର ସମସ୍ତ ଫର୍ମାଟ ପାଇଁ ନିଜେ ଖେଳାଳିଙ୍କୁ ମନୋନୀତ କରିବାକୁ ସମର୍ଥ ହେଉଥିବେ | ସେ କହିଛନ୍ତି ଯଦି ମୋତେ ପଚାରାଯାଏ ମୁଁ କହିବି ଋଷଭ ପନ୍ତଙ୍କୁ ମୁ ପରବର୍ତ୍ତୀ ଭାରତୀୟ ଅଧିନାୟକ ଭାବରେ ଦେଖିବାକୁ ଚାହେଁ।
ସୁନୀଲ ଗାଭାସ୍କରଙ୍କ ପରି ଯୁବରାଜ ସିଂଙ୍କୁ ମଧ୍ୟ ଲାଗୁଛି ଯେ, ୱିକେଟ୍ କିପର ଋଷଭ ପନ୍ତ ୱିକେଟ୍ ପଛରୁ ଖେଳକୁ ଚମତ୍କାର ଭାବରେ ବୁଝନ୍ତି ଏବଂ ଟେଷ୍ଟ ଦଳର ଅଧିନାୟକତ୍ୱ ଦାୟିତ୍ବ ପାଇଁ ସେ ସମ୍ପୂର୍ଣ ଫିଟ | ଯଦିଓ ଟେଷ୍ଟ ଦଳର ଅଧିନାୟକ ଦୋୖଡରେ ରୋହିତ ଶର୍ମା ସବୁଠାରୁ ଆଗରେ ଅଛନ୍ତି, ଆହତ କାରଣରୁ ସେ ଦକ୍ଷିଣ ଆଫ୍ରିକା ବିପକ୍ଷ ସିରିଜର ଅଂଶ ଗ୍ରହଣ କରିନଥିଲେ । ନିକଟରେ ରୋହିତଙ୍କ ସ୍ଥାନରେ ଆଜିଙ୍କ୍ୟ ରାହାନେଙ୍କୁ ଟେଷ୍ଟ ଦଳର ଉପ-ଅଧିନାୟକ କରାଯାଇଥିଲା।
