<h3>ସୁବଳୟା ପୋଲିସର ଦବଙ୍ଗଗିରି, ବିନା ଦୋଷରେ ଦୀର୍ଘ ୬୦ ଘଣ୍ଟା ଧରି ଯୁବକକୁ ଅଟକ ରଖି ମାଡ । ଲହୁ ଲୁହାଣ ହୋଇ ଡାକ୍ତରଖାନାରେ ଭର୍ତ୍ତି ହେଲେ ଯୁବକ । ସୁବର୍ଣ୍ଣପୁର ଜିଲ୍ଲା ସୁବଳୟା ଥାନାରେ ଘଟିଛି ଘଟଣା । ଅଭିଯୋଗ ଅନୁସାରେ ସୁବଳୟା ଥାନା ଅର୍ନ୍ତଗତ ଟେଭାପଦର ଗାଁର ଟ୍ରାକ୍ଟର ଲଙ୍ଗଳ ଚୋରି ନେଇ ମହେନ୍ଦ୍ର ମହାଳିକ ନାମକ ଜଣେ ବ୍ୟକ୍ତି ଥାନାରେ ଲିଖିତ ଅଭିଯୋଗ କରିଥିଲେ । ତେବେ ଏହି କେସର ତଦନ୍ତ କରିବା ପାଇଁ ସେହି ଗାଁର ଜଗନ୍ନାଥ କର୍ମୀ ନାମକ ଯୁବକକୁ ସନ୍ଦେହରେ ଥାନାକୁ ଡାକିଥିଲା ସୁବଳୟା ପୋଲିସ । ତେବେ ତାଙ୍କୁ ଦିର୍ଘ ୩ ଦିନ ପର୍ଯ୍ୟନ୍ତ ଥାନାରେ ରଖି ପ୍ରବଳ ମାଡ଼ ମାରିଥିବା ଅଭିଯୋଗ ହୋଇଛି । ସୁବଳୟା ଥାନା ଏ ଏସ ଆଇ ସନ୍ତୋଷ ସିନ୍ଦିରିଆ ପଚରା ଉଚୁରା ଆଳରେ ନିସ୍ତୁକ ମାଡ ମାରିଥିବା ଅଭିଯୋଗ କରିଛନ୍ତି ଯୁବକ ଜଣକ | ଫଳରେ ସେ ଗୁରୁତର ହୋଇ ପଡ଼ିଥିଲେ । ସେ ଏହି ମାମଲାରେ ସଂପୃକ୍ତ ନଥିବା ବାରମ୍ବାର କହିଥିଲେ ହେଁ ଯୁବକକୁ ପୋଲିସ ମାଡ଼ ମାରି ଲହୁ ଲୁହାଣ କରି ପକାଇଥିଲା । ଜଗନ୍ନାଥଙ୍କ ଭାଇ ପୋଲିସକୁ ଫୋନ କରି ଅନୁରୋଧ କରିବାରୁ ତୋତେ ବିଭିନ୍ନ ମାମଲାରେ କେସ କରି ଭିତରକୁ କରିଦେବି କହି ଧମକ ଦେଇଥିଲେ । ପରେ ତାଙ୍କ ଭାଇ ସୁବର୍ଣ୍ଣପୁର ଏସପି ଙ୍କୁ ଯୋଗାଯୋଗ କଲା ପରେ ପୁଲିସ ତାଙ୍କୁ ଛାଡି ଦେଇଥିଲା । ଜଗନ୍ନାଥଙ୍କ ଅଭିଯୋଗ ଅନୁସାରେ ପୁଲିସକୁ ପାଣି ମାଗିଲେ ପରିସ୍ରା ପିଆଇ ଦେବି ବୋଲି କହି ଅକଥନିୟ ଅତ୍ୟାଚାର କରିଥିଲେ | ଅପରପକ୍ଷେ ଘଟଣାକୁ ଅନୁଧ୍ୟାନ କରାଯାଉଛି ବୋଲି କହିଛନ୍ତି ବୀରମହାରାଜପୁର ଉପଖଣ୍ଡ ପୋଲିସ ଅଧିକାରୀ ।</h3>
