ସ୍ପାଇଡର୍-ମ୍ୟାନ୍ ର ଅନେକ କାହାଣୀ ଏବଂ ଚଳଚ୍ଚିତ୍ର ଆପଣ ନିଶ୍ଚୟ ଦେଖିଥିବେ | କିନ୍ତୁ ଆପଣ ବାସ୍ତବ ଜୀବନରେ କେବେ ସ୍ପାଇଡର୍- ଗାର୍ଲକୁ ଦେଖିଛନ୍ତି କି ? ସ୍ପାଇଡର୍ ଗାର୍ଲର ଏକ ଭିଡିଓ ସୋସିଆଲ ମିଡିଆରେ ଏବେ ବେଶ ଭାଇରାଲ ହେବାରେ ଲାଗିଛି | ଯେଉଁଥିରେ ଏକ ଛୋଟ ସୁନ୍ଦର ଝିଅ ବଡ ବଡ଼ ବୁଢ଼ିଆଣୀ ସହିତ ଖେଳୁଥିବା ଦେଖିବାକୁ ମିଳୁଛି |
ଅଧିକାଂଶ ଲୋକ ବୁଢ଼ିଆଣୀକୁ ବହୁତ ଭୟ କରନ୍ତି | କିନ୍ତୁ ଜଣେ ଛୋଟ ଝିଅ ବୁଢ଼ିଆଣୀମାନଙ୍କ ସହ ଖେଳୁଥିବା ଭିଡିଓ ସାମ୍ନାକୁ ଆସିଛି | ଝିଅଟି ହାତରେ ଏକ ବଡ଼ ବୁଢ଼ିଆଣୀକୁ ନେଇ ତା ସହିତ ଖେଳୁଥିବା ଦେଖିବାକୁ ମିଳୁଛି | ବୁଢିଆଣିଟି ମଧ୍ୟ ଝିଅର ଗୋଟିଏ ହାତରୁ ଅନ୍ୟ ହାତକୁ ଅତି ସହଜରେ ଯିବା ଆସିବା କରୁଛି | ସେହିପରି ଅନ୍ୟ ବୁଢିଆଣିଟି ଝିଅର ପିଠି ଉପରେ ବିଶ୍ରାମ ନେଉଛି | ଭିଡିଓରେ ବୁଢିଆଣୀ ଏବଂ ଝିଅକୁ ଦେଖିଲେ ଦେଖାଯାଏ ଯେ ସେମାନଙ୍କ ମଧ୍ୟରେ ଅତି ଘନିଷ୍ଠ ବନ୍ଧୁତା ଅଛି | ଏପରିକି ସେମାନେ ପ୍ରତିଦିନ ଏହିପରି ଖେଳୁଥିବା ଜଣାପଡୁଛି | ବୁଢିଆଣୀ ଏବଂ ଏକ ଛୋଟ ଝିଅର ଏହି ଚମତ୍କାର ଭିଡିଓ ଫିଗନ୍ ନାମକ ଏକ ଟ୍ୱିଟର ହ୍ୟାଣ୍ଡେଲରେ ସେୟାର କରାଯାଇଛି |
