ଓଡ଼ିଶା ଆସିବେ ସାଉଥ୍ ସୁପରଷ୍ଟାର ଅଲୁ ଅର୍ଜୁନ । ଖୁବ ଶୀଘ୍ର ଓଡ଼ିଶାରେ ଅଲୁ ଅର୍ଜୁନ ଫିଲ୍ମ “ପୁଷ୍ପା-୨”ର ସୁଟିଂ ଆରମ୍ଭ କରିବେ । ସୁଟିଂ ସେଟ୍ ରେ ଦେଖିବାକୁ ମିଳିବ ଅଲୁ ଅର୍ଜୁନଙ୍କ ଦମଦାର ଆକ୍ସନ । ଏଥପାଇଁ ପୂରା ଟିମ୍ ପ୍ରସ୍ତୁତ ହୋଇ ରହିଛି । କିଛି ଦିନ ହେବ ମାଲକାନଗିରିରେ ଫିଲ୍ମର ସୁଟିଂ ପାଇଁ ଜୋରଦାର ପ୍ରସ୍ତୁତି ଚାଲିବା ସହ ଅଭ୍ୟାସ କାର୍ଯ୍ୟ ମଧ୍ୟ ଜାରି ରହିଛି । ଫିଲ୍ମର ନିର୍ମାତା ମୈତ୍ରୀ ମୁଭି ମେକର୍ସ ପ୍ରଡ଼କ୍ସନ ସିଲେରୁ ନଦୀ କୂଳରେ ସୁଟିଂ ଆରମ୍ଭ କରିଛନ୍ତି।
କିଛି ଦିନ ପୂର୍ବରୁ ସୁଟିଂ ସେଟରେ ରକ୍ତଚନ୍ଦନ କାଠ ଆସି ପହଞ୍ଚିଥିଲା । ସୁଟିଂ ସେଟରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯିବା ସହ ଲୋକଙ୍କ ଭିଡ ଦେଖିବାକୁ ମିଳିଛି । ଅନ୍ୟପଟେ ଓଡ଼ିଶାରେ “ପୁଷ୍ପା-୨”ର ସୁଟିଂ ପାଇଁ ଅଲୁ ଅର୍ଜୁନ ଆସୁଥିବାରୁ ଓଡ଼ିଶାବାସୀଙ୍କ ମନରେ ଉତ୍ସାହ ଭରି ରହିଛି । ସୂଚନାଯୋଗ୍ୟ ଏହି ଫିଲ୍ମରେ ଓଡ଼ିଶାବାସୀ ଅଭିନୟ କରୁଥିବାର ନଜର ଆସିବେ ।
