ଏନଏନଏସ୍: ଆଜିକାଲି ସ୍ମାର୍ଟଫୋନ ପିଲାଙ୍କର ପ୍ରଥମ ପସନ୍ଦ ପାଲଟିଛି। କାର୍ଟୁନ ହେଉ କିମ୍ବା ୟୁଟୁ୍ୟବରେ କିଛି ଭିଡ଼ିଓ ଦେଖିବା ପାଇଁ ପିଲାମାନେ ଫୋନ ବ୍ୟବହାର କରୁଛନ୍ତି । କିନ୍ତୁ ବେଳେ ବେଳେ ଏହି ସ୍ମାର୍ଟଫୋନ ଯୋଗୁଁ ପିଲାଙ୍କ ଜୀବନ ଚାଲିଯାଉଛି । ଏଭଳି ଏକ ଘଟଣା କେରଳର ତ୍ରିସୁରରେ ଦେଖିବାକୁ ମିଳିଛି । ସୂଚନାଯୋଗ୍ୟ ୮ ବର୍ଷିୟ ଶିଶୁ ମୋବାଇଲରେ ଗେମ୍ ଖେଳୁଥିବା ବେଳେ ମୋବାଇଲ ଫୋନଟି ବିସ୍ଫୋରଣ ହୋଇଛି ।
ଖବର ଅନୁଯାୟୀ ୮ବର୍ଷିୟ ଶିଶୁ ଆଦିତ୍ୟଶ୍ରୀ ଦୀର୍ଘ ସମୟ ଧରି ମୋବାଇଲକୁ ଚାର୍ଜରେ ବସାଇ ଗେମ ଖେଳୁଥିବା ବେଳେ ଏହି ବିସ୍ଫୋରଣ ହୋଇଛି । ଫଳରେ ଗୁରୁତର ଅବସ୍ଥାରେ ଶିଶୁଙ୍କୁ ଡାକ୍ତରଖାନା ଭର୍ତ୍ତି କରାଯାଇଥିଲେ କିନ୍ତୁ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ। ଝିଅର ମୃତ୍ୟୁ ଖବର ଶୁଣି ପରିବାର ଲୋକ ଭାଙ୍ଗିପଡିଛନ୍ତି ।
