ଦୁର୍ଘଟଣାର ଶିକାର ହୋଇଛନ୍ତି କିଙ୍ଗ ଖାନ୍ ଶାହରୁଖ । ଆମେରିକାର ଲସ ଆଞ୍ଜେଲିସରେ ଶାହରୁଖ ଖାନ୍ ନିଜର ଆଗାମୀ ଫିଲ୍ମର ସୁଟିଂ କରୁଥିବା ବେଳେ ନାକରେ ଆଘାତ ଲାଗିଛି । ଯାହାଫଳରେ ତାଙ୍କ ନାକରୁ ପ୍ରବଳ ରକ୍ତସ୍ରାବ ହୋଇଛି । ପ୍ରବଳ ରକ୍ତସ୍ରାବ ହେବା ପରେ ତାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲା । ନାକରୁ ପ୍ରବଳ ରକ୍ତସ୍ରାବ ରୋକିବା ପାଇଁ ଡାକ୍ତର ତାଙ୍କର ଅସ୍ତ୍ରୋପଚାର କରିଛନ୍ତି । ଅସ୍ତ୍ରୋପଚାର ପରେ ଶାହରୁଖଙ୍କ ନାକରେ ବ୍ୟାଣ୍ଡେଣ୍ଡ୍ ଲଗାଯାଇଛି ।
ଶାହରୁଖଙ୍କ ନାକରେ ଆଘାତ ଲାଗିବାରୁ ସୁଟିଂ ଅଧାରୁ ବନ୍ଦ ହୋଇଥିବା ବେଳେ ସେ ଭାରତ ଫେରି ଆସିଥିବା ସୂଚନା ରହିଛି । ସେପଟେ ଆହତ ଯୋଗୁଁ ଶାହରୁଖ କିଛି ଦିନ ପାଇଁ ଫିଲ୍ମ ଶୁଟିଂରୁ ଦୂରେଇ ରହିପାରନ୍ତି ବୋଲି ସୂଚନା ରହିଛି। ନିକଟରେ ଶାହରୁଖଙ୍କ ଫିଲ୍ମ ପଠାନ ବକ୍ସ ଅଫିସରେ ଧମାକା କରିଥିବା ବେଳେ ବକ୍ସ ଅଫିସରେ ଏହି ଫିଲ୍ମ ହଜାରେ କୋଟିରୁ ଅଧିକ ବ୍ୟବସାୟ କରିଥିବା ଜଣାପଡ଼ିଛି । ଅନ୍ୟପଟେ ଶାହରୁଖଙ୍କ ଆଗାମୀ ଫିଲ୍ମ ଜୱାନ ଚଳିତ ବର୍ଷ ରିଲିଜ୍ ହେବା ନେଇ ସୂଚନା ପ୍ରକାଶ ପାଇଛି ।
