ଆଜି କ୍ରିକେଟ ଜଗତର ଗଡଫାଦରଙ୍କ ଜନ୍ମଦିନ । ତାଙ୍କ ପାଇଁ ସଚିନ ରମେଶ ତେନ୍ଦୁଲକରଙ୍କ ନାଁ ହିଁ କାଫି ଆଉ କିଛିି ପରିଚୟ ଦେବାକୁ ପଡିବ ନାହିଁ । ପିଲା ଠୁ ବୁଢା ପର୍ଯ୍ୟନ୍ତ ସମସ୍ତେ ତାଙ୍କୁ କ୍ରିକେଟ ଜଗତର ବାଦଶାହ ବୋଲି ଜାଣନ୍ତି । ସଚିନ ଆଜି ତାଙ୍କର ୫୦ତମ ଜନ୍ମଦିନ ପାଳନ କରୁଛନ୍ତି । ସେ ମୈଦାନରୁ ଦୂରକୁ ଚାଲିଯାଇଛନ୍ତି ସତ କିନ୍ତୁ ଆଜି ବି ଦର୍ଶକଙ୍କ ହୃଦୟରେ ରାଜ କରୁଛନ୍ତି । ସେହି ଲିଜେଣ୍ଡଙ୍କ ଜୀବନର ୨୦ ବର୍ଷର ସଫଳ କ୍ୟାରିଆର ରହିଛି । ତାଙ୍କ ପରେ ଅନେକ ତ କ୍ରିକେଟ ଖେଳିଛନ୍ତି , ଷ୍ଟାର ସୁପରଷ୍ଟାର ବି ହୋଇଛନ୍ତି କିନ୍ତୁ ସଚିନ ହୋଇନାହାଁନ୍ତି । କାରଣ ତେନ୍ଦୁଲକରଙ୍କ ପରି ହେବା କ’ଣ ଏତେ ସହଜ ! ସଚିନଙ୍କ ପରି ହେବା ପାଇଁ କଠିନ ପରିଶ୍ରମ କରିବା ଦରକାର । ତାଙ୍କ ପାଇଁ ସମସ୍ତଙ୍କ ମନରେ ରହିଛି ଅଜସ୍ର ସମ୍ମାନ, ଶ୍ରଦ୍ଧା , ଭଲପାଇବା । କ୍ରିକେଟ ତାଙ୍କ ଜୀବନ ଆଉ ଧର୍ମ ଥିଲା ।
ଏମିତି ସମୟ ଥିଲା ଯେତେବେଳେ ସଚିନ ଆଉଟ ହେବା ପରେ ଭାରତରେ ଟିଭି ଅଫ ହୋଇଯାଉଥିଲା । ଲାଗୁଥିଲା ତେନ୍ଦୁଲକର ଆଉଟ ତ ଭାରତ ମ୍ୟାଚରୁ ଆଉଟ୍ । କ୍ରିକେଟ୍ କୁ ନେଇ ଖୁବ୍ କମ ବୟସରେ ଭାରତ ରତ୍ନ ହାସଲ କରିଛନ୍ତି ସଚିନ। ଖେଳ ଜଗତକୁ ଅଲବିଦା କହିବାର ଗୋଟେ ଦଶନ୍ଧି ବିତିବା ପରେ ମଧ୍ୟ ଆଜି ବି ଖସିନି ସଚିିନଙ୍କର କ୍ରେଜ ।
