ଆଇପିଏସ୍ ଅଧିକାରୀ ସଚିନ୍ ଅତୁଲକର । ତାଙ୍କ କାର୍ଯ୍ୟ ବ୍ୟତୀତ ସଚିନ୍ ଅତୁଲକର ନିଜ ଫିଟନେସ୍ କୁ ନେଇ ବେଶ୍ ଚର୍ଚ୍ଚାରେ ରହିଥାନ୍ତି| ଫିଟନେସରେ କୋଉ ମଡେଲଠୁ ବି କମ୍ ନୁହନ୍ତି ସେ । ସଚିନ୍ ଙ୍କ ଫିଟନେସ୍ ଆଗରେ ନାମୀ ଦାମୀ ମଡେଲ ଏବଂ ବଡ଼ି ବିଲଡରମାନେ ମଧ୍ୟ ଫିକା ପଡ଼ିବେ । ସଚିନ ତାଙ୍କ ଫିଟନେସ ହେତୁ ହ୍ୟାଣ୍ଡସମ ପୋଲିସ ଅଫିସର ଭାବରେ ମଧ୍ୟ ଜଣାଶୁଣା | ରିଅଲିଟି ଶୋ ବିଗ୍ ବସ୍ ରେ ଅଂଶ ଗ୍ରହଣ କରିବା ପାଇଁ ଦୁଇ ଦୁଇଥର ଅଫର ଆସିଥିଲେ ମଧ୍ୟ ସେ ତାହାକୁ ପ୍ରତ୍ୟାଖ୍ୟାନ କରିଛନ୍ତି । ନିଜ କର୍ମମୟ ଜୀବନ ବ୍ୟତୀତ ସଚିନ୍ କ୍ରୀଡା ଏବଂ ବଡ଼ି ବିଲଡିଂକୁ ବହୁତ ଭଲ ପାଇଥାଆନ୍ତି ଏବଂ ନିଜ ସୋସିଆଲ ମିଡିଆ ଆକାଉଣ୍ଟରେ ଫିଟନେସର ଫଟୋ ପୋଷ୍ଟ କରିଥା’ନ୍ତି |ସୋସିଆଲ ମିଡିଆରେ ସଚିନ ବହୁତ ଲୋକପ୍ରିୟ ଏବଂ ଇନଷ୍ଟାଗ୍ରାମରେ 1 ମିଲିୟନରୁ ଅଧିକ ଲୋକ ତାଙ୍କୁ ଅନୁସରଣ କରନ୍ତି | ଆମେ ତାଙ୍କ ବିଷୟରେ ଏବେ ଆଲୋଚନା କରୁଛୁ କାରଣ ତାଙ୍କୁ ନିକଟରେ ମଧ୍ୟପ୍ରଦେଶର ରାଜଧାନୀ ଭୋପାଳର ଏସିପି ଭାବେ ନିଯୁକ୍ତ କରାଯାଇଛି । ସେ ଭୋପାଳର ସର୍ବକନିଷ୍ଠ ଏସିପି ଭାବେ ନିଯୁକ୍ତି ହୋଇଛନ୍ତି। ଏହାପୂର୍ବରୁ, ସଚିନ ସବୁଠାରୁ କମ୍ ବୟସର ଡିଜି ମଧ୍ୟ ହୋଇଥିଲେ | ଏହାବ୍ୟତୀତ ତାଙ୍କ ନାମରେ ମାତ୍ର 23 ବର୍ଷ ବୟସରେ ଆଇପିଏସ୍ ହେବାର ରେକର୍ଡ ଅଛି |
