ଆରପାରିରେ ଅଭିନେତା ଷ୍ଟିବନସନ୍ । ସୂଚନାଯୋଗ୍ୟ ନିର୍ଦ୍ଦେଶକ ଏସ ଏସ୍ ରାଜମୌଲୀଙ୍କ ବ୍ଲକବଷ୍ଟର ଆରଆରଆର ଫିଲ୍ମରେ ଖଳନାୟକ ଚରିତ୍ରରେ ନଜର ଆସିଥିବା ଅଭିନେତାଙ୍କ ମୃତ୍ୟୁ ହୋଇଛି । ମୃତ୍ୟୁ ବେଳକୁ ତାଙ୍କୁ ୫୮ ବର୍ଷ ବୟସ ହୋଇଥିଲା । ଫିଲ୍ମ “ଜଜଜ”ରେ ଷ୍ଟିବନସନ୍ ଖଳନାୟକ ଭୂମିକାରେ ନଜର ଆସିଥିଲେ । ଖୁବ୍ ସୁନ୍ଦର ଅଭିନୟ କରି ସେ ଦର୍ଶକଙ୍କ ମନ କିଣିପାରିଥିଲେ । ଏହି ଫିଲ୍ମ ସାରା ଦୁନିଆରେ ଦର୍ଶକଙ୍କ ମନକୁ କିଣିପାରିଥିଲା । ଅଭିନେତା ଷ୍ଟିବନସନ୍ କେବଳ ବଲିଉଡ୍ ଫିଲ୍ମ ନୁହେଁ ହଲିଉଡ୍ ଫିଲ୍ମରେ ମଧ୍ୟ ଅଭିନୟ କରିଛନ୍ତି ।
ଷ୍ଟିବନସନ୍ ୧୯୬୪ ମସିହା ମେ ମାସ ୨୫ ତାରିଖରେ ଆର୍ୟଲ୍ୟାଣ୍ଡରେ ଜନ୍ମଗ୍ରହଣ କରିଥିଲେ । ୧୯୯୦ ମସିହାରେ ସେ ଫିଲ୍ମ ଜଗତରେ ପାଦ ଦେଇଥିଲେ । ୧୯୯୮ ମସିହାରେ ସେ ତାଙ୍କର ପ୍ରଥମ ଫିଲ୍ମ କରିଥିଲେ, ଯାହାର ନାଁ ଥିଲା “ଦ ଥିଓରୀ ଅଫ୍ ଫ୍ଲାଇଟ୍”।
ଏହାପରେ ସେ କିଙ୍ଗ୍ ଆର୍ଥର “ଦ ବୁକ୍ ଅଫ୍ ଏଲୀ” ଏବଂ “ଦ ଅଦର ଗାଏ” ଫିଲ୍ମରେ ମଧ୍ୟ ଅଭିନୟ କରିଥିଲେ ।
ମୃତ୍ୟୁ ପୂର୍ବରୁ ଷ୍ଟିବନସନ୍ ଆଗାମୀ ଆକ୍ସନ୍-ଏଡୱେଚର ସୀମିତ ଶୃଙ୍ଖଳା, “ଅହଶୋକା” ରେ ଅଭିନୟ କରିଥିଲେ । ଯାହା ଷ୍ଟାର୍ ୱାର୍ସ ଫ୍ରାଞ୍ଚାଇଜ୍ ର’ ଦି ମାଣ୍ଡାଲୋରିଆନ୍’ର ସ୍ପିନ୍ ଅଫ୍ ଥିଲା ।
