କେନ୍ଦ୍ରାପଡାରେ ମର୍ମନ୍ତୁଦ ସଡକ ଦୁର୍ଘଟଣା | ସଦର ଥାନା ଅନ୍ତର୍ଗତ ୫ନମ୍ବର କ ଜାତୀୟ ରାଜପଥର ଆଲଫାବେଷ୍ଟ କଲେଜ ନିକଟରେ ଆଜି ଘଟିଛି ଏହି ଦୁର୍ଘଟଣା । ଏକ ଚାଉଳ ବୋଝେଇ ମିନିଟ୍ରକ ଏବଂ ଏକ ୨୨ ଚକିଆ ଟ୍ରକ ମୁହାଁମୁହିଁ ହୋଇଛି ଧକ୍କା | ଫଳରେ ଘଟଣାସ୍ଥଳରେ ଜଣେ ଟ୍ରକ ଡ୍ରାଇଭରଙ୍କ ମୃତ୍ୟୁ ହୋଇଛି | ଅନ୍ୟ ଜଣେ ଟ୍ରକ ଡ୍ରାଇଭର ଗୁରୁତର ଆହତ ହୋଇଛନ୍ତି | ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି କେନ୍ଦ୍ରାପଡା ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଛନ୍ତି ।
ସୂଚନାରୁ ଜଣାଯାଇଛି ଯେ ଆଜି ସକଳେ ପାରାଦ୍ବୀପ ପଟୁ ଏକ ଚାଉଳ ବୋଝେଇ ମିନିଟ୍ରକ ଚଣ୍ଡିଖୋଲ ଆଡକୁ ଯାଉଥିଲା | ଅପରପାର୍ଶ୍ବରେ ଚଣ୍ଡିଖୋଲ ଆଡୁ ପାରାଦ୍ବୀପ ଆଗକୁ ଏକ ୨୨ ଚକିଆ ଟ୍ରକ ଯାଉଥିଲା । ୨୨ ଚକିଆ ଟ୍ରକର ଚକ ଫାଟିଯିବାରୁ ଟ୍ରକଟି ନିୟନ୍ତ୍ରଣ ହରାଇ ମିନି ଟ୍ରକ ସହ ହୋଇଥିଲା ଧକ୍କା। ଫଳରେ ଚାଉଳ ବୋଝେଇ ମିନି ଟ୍ରକଟି ସମ୍ପୂର୍ଣ୍ଣ ଚୂନା ହୋଇଯାଇଛି । ୪୦୭ ଟ୍ରକର ଡ୍ରାଇଭର ଜଣକ ଗାଡି ମଧ୍ୟରେ ଚିପି ହୋଇ ମୃତ୍ୟୁବରଣ କରିଛନ୍ତି । ଚାଉଳ ବସ୍ତା ଫାଟି ଚାରିଆଡେ ଚାଉଳ ବିଞ୍ଚି ହୋଇପଡିଛି | ଘଟଣାସ୍ଥଳରେ ସଦର ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି |
