ଭୁବନେଶ୍ୱର(ଏନଏନଏସ୍): ରାସ୍ତାରେ ବାଇକ୍ କୁ ଘୋଷାଡି ନେଲା ବସ୍ । ଝିଅ ମୃତ, ବାପା-ମା ଗୁରୁତର ଆହତ । ଖବର ଅନୁଯାୟୀ ବଲାଙ୍ଗିର ପୁଇଁତଳା ଠାରେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ବାପା ମାଆ ଓ ଝିଅ ବାଇକ୍ରେ ଯାଉଥିବାବେଳେ ଏକ ବସ୍ ପଛରୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ଝିଅର ମୃତ୍ୟୁ ହୋଇଥିବାବେଳେ , ବାପା-ମାଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି। ଦୁର୍ଘଟଣା ପରେ ଉତ୍ୟକ୍ତ ଲୋକ ବସ୍କୁ ଭଙ୍ଗାରୁଜା କରିବା ସହ ରାସ୍ତାରୋକ କରିଛନ୍ତି। ଅନ୍ୟପଟେ ଦୁର୍ଘଟଣା ପରେ ଡ୍ରାଇଭରକୁ ଅଟକ ରଖିଛି ପୋଲିସ।
