ନିଖୋଜର ୩ଦିନ ପରେ ମିଳିଲା ଯବାନଙ୍କ ମୃତଦେହ

ବଡ଼ଚଣା(ଏନଏନଏସ୍): ଝୁଲନ୍ତା ଅବସ୍ଥାରେ ନିଖୋଜ ଯବାନଙ୍କ ମୃତଦେହ ଉଦ୍ଧାର । ବଡଚଣା ଥାନା ଧାନମଣ୍ଡଳ ଫାଣ୍ଡି ପାଖ ଜଙ୍ଗଳରୁ ଯବାନଙ୍କ ମୃତଦେହ ମିଳିଛି । ମୃତ ଯବାନ ହେଉଛନ୍ତି ଜଗତସିଂହପୁର ଜିଲ୍ଳା ଏରସମା ଥାନା ଅଧିନ ସୋମପୁର ଗାଁର ସୂର୍ଯ୍ୟକାନ୍ତ କୁଆଁର । ତେବେ ସୂର୍ଯ୍ୟକାନ୍ତ ୧୭ତାରିଖରୁ ନିଖୋଜ ଥିଲେ । ଦୁଇଦିନ ପୁର୍ବରୁ ତାଙ୍କ ବାଇକ ବଡଚଣା ଥାନା ଧାନମଣ୍ଡଳ ଫାଣ୍ଡି ନିକଟ ପାହାଡ ପାଖରୁ ପୋଲିସ ଜବତ କରିଥିଲା । ସେଠାରେ ଡ୍ରୋନ କ୍ୟାମେରା ସାହାର୍ଯ୍ୟରେ ବହୁ ଖୋଜାଖୋଜି କରିବା ପରେ ବି ଯବାନଙ୍କର କୌଣସି ପତ୍ତା ମିଳିନଥିଲା । ପରେ ଆଜି ଯାଜପୁର ଏସ୍ପିଙ୍କ ନିର୍ଦ୍ଦେଶକ୍ରମେ ଏସ୍ଡିପିଓଙ୍କ ଅଧ୍ୟକ୍ଷତାରେ ପୋଲିସ ର ତିନୋଟି ଟିମ, ବନବିଭାଗ କର୍ମଚାରୀ ପାହାଡ ଉପରେ ଚଢ଼ି ଖୋଜା ଖୋଜା କରିଥିଲେ । ଶେଷରେ ଝୁଲନ୍ତା ଅବସ୍ଥାରେ ଯବାନଙ୍କ ମୃତଦେହ ଉଦ୍ଧାର କରାଯାଇଛିି । ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ପଂହଚିବା ପରେ ମୃତଦେହକୁ ବ୍ୟବଚ୍ଛେଦ ପାଇଁ ବଡଚଣା ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ପଠା ଯାଇଛି । ଅନ୍ୟପଟେ ଏହା ହତ୍ୟା କି ଆତ୍ମହତ୍ୟା ସେନେଇ ପୋଲିସ ତଦନ୍ତ ଚଳାଇଛି ।