ମରାମତି ହେବ ମହାପ୍ରଭୁ ଶ୍ରୀ ଜଗନ୍ନାଥଙ୍କ ରତ୍ନପଲଙ୍କ: ସୂଚନା ଦେଲେ ଶ୍ରୀମନ୍ଦିର ମୁଖ୍ୟ ପ୍ରଶାସକ

ପୁରୀ(ଏନଏନଏସ୍): ମରାମତି ହେବ ମହାପ୍ରଭୁ ଶ୍ରୀ ଜଗନ୍ନାଥଙ୍କ ରତ୍ନପଲଙ୍କ । ଗୁରୁତ୍ୱପୂର୍ଣ୍ଣ ମିଟିଂ ପରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ଏହି ସୂଚନା ଦେଇଛନ୍ତି । ସେହିଭଳି ସିଂହଦ୍ୱାର ରୁପା ଛାଉଣୀ କରିବାକୁ ମଧ୍ୟ ବୈଠକରେ ନିଷ୍ପତ୍ତି ହୋଇଛି । ଏହି କାର୍ଯ୍ୟ ରଥଯାତ୍ରା ମଧ୍ୟରେ ସାରିବାକୁ ନିଷ୍ପତ୍ତି ନିଆଯାଇଛି । ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ସୂଚନା ଅନୁସାରେ ସିଂହଦ୍ୱାର ରୁପା ଛାଉଣୀ ପାଇଁ ଆବଶ୍ୟକୀୟ ରୁପା ଦାତା ଯୋଗାଇ ଦେବେ । ଏନେଇ କେତେ ରୁପା ଲାଗିବ ଜଣାଇବା ପରେ ଦାତା ଦାନ କରିବେ । ସିଂହଦ୍ୱାରା ରୁପା ଛାଉଣୀ ହେବା ସମୟରେ ଭକ୍ତମାନେ ଉତ୍ତର ଦ୍ୱାରା ଦେଇ ମନ୍ଦିରକୁ ପ୍ରବେଶ କରିବାର ବ୍ୟବସ୍ଥା କରାଯିବ ।