ସୋସିଆଲ ମିଡିଆ ଅନେକ ଲୋକଙ୍କୁ ରାତାରାତି ଷ୍ଟାର କରିପାରିଛି | ସେମାନଙ୍କ ମଧ୍ୟରୁ ଜଣେ ହେଲେ ରାନୁ ମଣ୍ଡଳ। ଲତା ମଙ୍ଗେଶକରଙ୍କ ଗୀତ ‘ଏକ ପ୍ୟାର କା ନାଗମାହୈ ‘ ଗୀତ ଗାଇ ରାନୁ ରାତାରାତି ଇଣ୍ଟରନେଟ ସେନସେସନ ବନି ଯାଇଥିଲେ | ଏବେ ପୁଣି ଥରେ ରାନୁ ମଣ୍ଡଳଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି | ଯାହାକୁ ଦେଖି ଆପଣ ମଧ୍ୟ କିଛି କ୍ଷଣ ପାଇଁ ଆଶ୍ଚର୍ଯ୍ୟ ହୋଇପାରନ୍ତି |
ନୂଆ ଭିଡିଓରେ ରାନୁ ମଣ୍ଡଳ ଦୁଲହନ ରୂପରେ ନଜର ଆସିଛନ୍ତି | ଆଲିଆ ଭଟ୍ଟଙ୍କ ବିବାହ ପରେ ରାନୁଙ୍କୁ ବୋହୁ ହେବାର ନିଶା ଚଢି ଯାଇଥିବା କୁହାଯାଉଛି | ବ୍ରାଇଡାଲ ଲୁକରେ କାଚା ବାଦାମ ଗୀତରେ ନାଚିଲେ ରାନୁ | ଭିଡିଓରେ ରାନୁ ଏକ ଲାଲ୍ ଶାଢ଼ୀ ପିନ୍ଧିଥିବାର ନଜର ଆସୁଛନ୍ତି | ତେବେ ଏହି ଭିଡିଓରେ ସେ ପୁରା ବୋହୂ ଭାବେ ସଜିତ ହୋଇଛନ୍ତି | ଏପରିକି ମଥାରେ ଟିକା ଲଗାଇଥିବା ମଧ୍ୟ ଦେଖିବାକୁ ମିଳିଛି |
