ଆଜି କଟକ ମାଲଗୋଦାମରେ ଥିବା ନକଲି ସସ୍ ଦୋକାନଗୁଡିକ ଉପରେ ଚଢାଉ କରାଯାଇଛି | ଉକ୍ତ ଦୋକାନରୁ ବିପୁଳ ପରିମାଣର ଭେଜାଲ୍ ଟମାଟୋ ଓ ଚିଲି ସସ୍ ଜବତ କରାଯାଇଛି। କଟକ ମାଲଗୋଦାମ ପୋଲିସ ଓ ସିଏମସି ସ୍ୱାସ୍ଥ୍ୟ ବିଭାଗ ପକ୍ଷରୁ ଆଜି ଏହି ମିଳିତ ଚଢ଼ାଉ କରାଯାଇଥିଲା । ମାଲଗୋଦାମରେ ଥିବା ଦୋକାନଗୁଡିକରେ ଅପମିଶ୍ରିତ ଓ ନକଲି ସସ ବିକ୍ରି କରାଯାଉଥିବା ଅଭିଯୋଗ ହୋଇଆସୁଥିଲା । ଏହା ପୂର୍ବରୁ ମଧ୍ୟ ଏହିପରି ଭାବରେ କଟକରୁ ଅନେକ ନକଲି ଜିନିଷ ଧରାପଡିଛି। ତେବେ କଟକରେ ନକଲି ଜିନିଷର କାରବାର ଓ ପ୍ରସ୍ତୁତି ବଢୁ ଥିବାରୁ ଏହା ଉପରେ ଅଧିକ ତଦନ୍ତ ହେବା ଓ ସରକାରୀ ପଦକ୍ଷେପ ନେବା ନିହାତି ଜରୁରୀ ବୋଲି ସାଧାରଣରେ ଦାବି ହୋଇଛି |
