ଜାଣନ୍ତୁ ତାଙ୍କ ବ୍ୟକ୍ତିଗତ ଜୀବନ ବିଷୟରେ ….

ସ୍ପେନର ତାରକା ଟେନିସ୍ ଖେଳାଳି ରାଫେଲ ନାଡାଲ ଜିତିଛନ୍ତି ୨୧ତମ ଗ୍ରାଣ୍ଡସ୍ଲାମ । ଅଷ୍ଟ୍ରେଲିଆନ ଓପନ ଜିତି ଇତିହାସ ରଚିଲେ ରାଫେଲ ନାଡାଲ । ବର୍ଷର ପ୍ରଥମ ଗ୍ରାଣ୍ଡସ୍ଲାମ ଅଷ୍ଟ୍ରେଲିୟ ଓପନ୍ ଜିତି ଦୁନିଆର ସର୍ବାଧିକ ଗ୍ରାଣ୍ଡସ୍ଲାମ ଜିତିବାର ରେକର୍ଡ ନିଜ ନାମରେ କରିଛନ୍ତି ରାଫେଲ | ରାଫେଲ ଟେନିସ୍ କୋର୍ଟରେ ଜଣେ ଖେଳାଳି ଭାବେ ଯେତିକି ବିପଜ୍ଜନକ, ତାଙ୍କ ବ୍ୟକ୍ତିଗତ ଜୀବନ ମଧ୍ୟ ସେତିକି ବିଳାସପୂର୍ଣ୍ଣ । ସେ ଯେଉଁ ହବେଲିରେ ରହୁଛନ୍ତି ତାହାର ମୂଲ୍ୟ 30 କୋଟି ଟଙ୍କା | ଏହି ହବେଲିକୁ 2013 ମସିହାରେ ନାଡାଲ ନିର୍ମିତ କରିଥିଲେ | ନାଡାଲ 1500 କୋଟିରୁ ଅଧିକ ମୂଲ୍ୟ ସମ୍ପତ୍ତିର ମାଲିକ | ସ୍ପେନ ତାରକା ରାଫେଲ ନାଡାଲଙ୍କ ପାଖରେ 50 କୋଟିର ଏକ ଚାର୍ଟାର୍ଡ ​​ବିମାନ ମଧ୍ୟ ରହିଛି | ଯେଉଁଥିରେ ସେ ବିଶ୍ୱ ଭ୍ରମଣ କରିବା ସହ ଦୁନିଆର ଯେକୌଣସି ସ୍ଥାନକୁ ବୁଲିବାକୁ ହେଉ କିମ୍ବା ଟୁର୍ଣ୍ଣାମେଣ୍ଟ ଖେଳିବାକୁ ଯାଇଥାନ୍ତି | ନାଡାଲଙ୍କ ପାଖରେ 45 କୋଟି ମୂଲ୍ୟର ଏକ ବିଳାସପୂର୍ଣ୍ଣ ଜାହାଜ ମଧ୍ୟ ଅଛି | ନାଡାଲ ଏହି ଜାହାଜରେ ଛୁଟିଦିନ ଏବଂ ସମୁଦ୍ରରେ ବୁଲିବା ପାଇଁ ବ୍ୟବହାର କରଥାନ୍ତି | ରାଫେଲ ନାଡାଲ ତାଙ୍କ ଗର୍ଲଫ୍ରେଣ୍ଡ ମାରିଆ ଫ୍ରାନ୍ସିସ୍କା ପେରେଲୋଙ୍କୁ 2019 ରେ ବିବାହ କରିଥିଲେ। ଦୁହେଁ ପ୍ରାୟ 14 ବର୍ଷ ଧରି ଏକ ସଂପର୍କରେ ରହିବା ପରେ ବିବାହ ବନ୍ଧନରେ ଆବଦ୍ଧ ହୋଇଥିଲେ |