ନୂଆଦିଲ୍ଲୀ,୦୮.୦୪.୨୦୨୩ (ଏନଏନଏସ ଓଡ଼ିଆ) : ରିଲିଜ ହୋଇଛି ସାଉଥ ଆଇକନ୍ ଷ୍ଟାର ଅଲ୍ଲୁ ଅର୍ଜୁନ )ଙ୍କ ଫିଲ୍ ପୁଷ୍ପ-୨ ଦି ରୁଲ୍ର ଟ୍ରେଲର । ଅଲ୍ଲୁ ଅର୍ଜୁନଙ୍କ ଜନ୍ମଦିନ ଅବସରରେ ଏହି ଟ୍ରେଲର ରିଲିଜ ହୋଇଛି । ଏହି ଫିଲ୍ମ କେବେ ରିଲିଜ ହେବ ସେନେଇ ତାରିଖ ଘୋଷଣା ହୋଇନଥିଲେ ମଧ୍ୟ ଟ୍ରେଲରକୁ ନେଇ ଦର୍ଶକଙ୍କ ମଧ୍ୟରେ ଦେଖାଦେଇଛି ଦମଦାର୍ କ୍ରେଜ । ତେଲୁଗୁ ସହ ମୋଟ ଚାରିଟି ଭାଷାରେ ଏହି ଟ୍ରେଲର ରିଲିଜ ହୋଇଛି । ହିନ୍ଦି, ତାମିଲ ଏବଂ ମାଲାୟଲମ ଭାଷାରେ ରିଲିଜ ହୋଇଥିବା ଏହି ଟ୍ରେଲର ମାତ୍ର ୫ ଘଣ୍ଟାରେ ୨ କୋଟିରୁ ଅଧିକ ଦର୍ଶକ ଦେଖି ସାରିଲେଣି ।
୩ ମିନିଟ ୧୪ ସେକେଣ୍ଡର ତେଲୁଗୁ ଭାଷାରେ ରିଲିଜ ହୋଇଥିବା ଟ୍ରେଲରକୁ ଏକ କୋଟିରୁ ଅଧିକ ଲୋକ ଦେଖି ସାରିଥିବାବେଳେ ହିନ୍ଦି ଭାଷାରେ ୮୦ ଲକ୍ଷ ଏବଂ ଏବଂ ତାମିଲ ଏବଂ ମାଲାୟଲମ ଭାଷର ଟ୍ରେଲରକୁ ୫୦ରୁ ଲକ୍ଷରୁ ଅଧିକ ଲୋକ ଦେଖି ସାରିଲେଣି ।
ପୁଷ୍ପା- ଦି ରାଇଜ ଭଳି ପୁଷ୍ପା-୨ ଦ ରୁଲ୍ରେ ମଧ୍ୟ ଭରି ରହିଛି ରୋମାଞ୍ଚ । ଦମଦାର ଆକ୍ସନ ସାଙ୍ଗକୁ ଛାତି ଛୁଆଁ ମ୍ୟୁଜିକ । ଟ୍ରେଲର ଆରମ୍ଭରେ ପୁଷ୍ପା ନିଖୋଜ ଥିବା ଦେଖାଯାଉଛି । ଏହାସହ ପୋଲିସ ଗୁଳିରେ ପୁଷ୍ପା ପ୍ରାଣ ହରାଇଥିବା କୁହାଯାଉଛି । ଯାହାକୁ ନେଇ ସାରା ସହରରେ ସୃଷ୍ଟି ହୋଇଛି ଦଙ୍ଗା । ପୁଷ୍ପାଙ୍କ ସମର୍ଥନରେ ବାହାରିଛନ୍ତି ହଜାର ହଜାର ଲୋକ । ପୋଲିସ ଉପରକୁ ପୁଷ୍ପା ସମର୍ଥକ ଢେଲା ପଥର ମାଡ଼ କରିବା ସହ ପୁଷ୍ପାକୁ ସମର୍ଥନ କରି ରାସ୍ତାକୁ ଓହ୍ଲାଇଛନ୍ତି । ପ୍ରାୟ ଏକମାସ ଧରି ଏହି ଦଙ୍ଗା ଲାଗି ରହିଥିବାବେଳେ ସମସ୍ତଙ୍କ ମନରେ ଗୋଟିଏ ପ୍ରଶ୍ନ ପୁଷ୍ପା କିଭଳି ଟଙ୍କା ରୋଜଗାର କରୁଥିଲା ସେକଥା କହୁଛନ୍ତି, ହେଲେ କେହିବି କହୁନାହାନ୍ତି ସେହି ଟଙ୍କାକୁ ସେ କଣ କରୁଛି । ଗରିବ ଓ ଦୁଃଖୀଙ୍କ ଭଗବାନ ଥିଲା ପୁଷ୍ପା ।…
ଟ୍ରେଲରରେ ପୁଷ୍ପାର ଏଣ୍ଟ୍ରି ହୁଏ ଜଙ୍ଗଲରେ ବାଘ ସହ । ଜଙ୍ଗଲରେ ବାଘକୁ ଧରିବା ପାଇଁ ଲଗାଯାଇଥିବା ଟ୍ରାପ କ୍ୟାମେରାରେ ନଜର ଆସନ୍ତି ପୁଷ୍ପା । ଗଣମାଧ୍ୟମରେ ଏହି ଖବର ପ୍ରସାରଣ ହେବା ପରେ ବଢ଼େ ଲୋକଙ୍କ ମଧ୍ୟରେ କ୍ରେଜ୍ ।.. ଆଉ ଆରମ୍ଭ ହୁଏ ପୁଷ୍ପା ଦ ରୁଲ୍…
୨୦୨୧ ଡିସେମ୍ବର ୧୭ରେ ରିଲିଜ ହୋଇଥିଲା ଫିଲ୍ମ ପୁଷ୍ପା ଦ ରାଇଜ୍ । ଚନ୍ଦନ କାଠ ମାଫିଆକୁ ନେଇ ତିଆରି ହୋଇଥିବା ଏହି ଫିଲ୍ମ ଦର୍ଶକଙ୍କ ହୃଦୟକୁ ବେଶ ଛୁଇଁ ପାରିଥିଲା । ଆଲ୍ଲୁ ଅର୍ଜୁନ ଏବଂ ରଶ୍ମିକା ମନ୍ଧନାଙ୍କ ଏହି ଫିଲ୍ମ ପ୍ରାୟ ୪୦୦ କୋଟି ଟଙ୍କା ଆୟ କରିଥିଲା । ଏ ସୁକୁମାର ନିର୍ଦ୍ଦେଶିତ ଏହି ଫିଲ୍ମକୁ ସେ ନିଜେ ହିଁ ଲେଖୁଛନ୍ତି ।
