ଏନଏନଏସ୍: ଜି-୭ ଶିଖର ସମ୍ମିଳନୀରେ ଭାଗ ନେବା ପାଇଁ ଜାପାନର ହିରୋଶିମାରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଏହି ଅବସରରେ ହିରୋସୀମା ସହରରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତି ଲୋକାର୍ପଣ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ପ୍ରଧାନମନ୍ତ୍ରୀ କହିଛନ୍ତି ଅହିଂସାର ବାର୍ତା ଦେଇ ଆସୁଛନ୍ତି ଜାତିର ପିତା ମହାତ୍ମା ଗାନ୍ଧୀ। ସବୁଠି ରହିଛି ମହାତ୍ମା ଗାନ୍ଧୀଙ୍କ ସମ୍ମାନ । ସେହିପରି ହିରୋଶିମାରେ ପ୍ରବାସୀ ଭାରତୀୟ ତଥା ଛୋଟପିଲାଙ୍କୁ ଭେଟି ହାତ ମିଶାଇଛନ୍ତି ନରେନ୍ଦ୍ର ମୋଦୀ ।
ପ୍ରଧାନମନ୍ତ୍ରୀ ମୋଦୀଙ୍କ ୬ ଦିନିଆ ବିଦେଶ ଗସ୍ତ ଜାପାନରୁ ଆରମ୍ଭ ହୋଇଛି । ଏହାପରେ ପାପୁଆ ନ୍ୟୁ ଗିନି ଓ ଅଷ୍ଟ୍ରେଲିଆ ମଧ୍ୟ ଗସ୍ତ କରିବେ ମୋଦୀ । ଜି-୭ ସମ୍ମିଳନୀରେ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଆଲୋଚନା ହେବ, ଯେପରି ପରମାଣୁ ନିରସ୍ତ୍ରୀକରଣ, ଆର୍ଥିକ ସୁଦୃଢ଼ତା, ଆଂଚଳିକ ପ୍ରସଙ୍ଗ, ଜଳବାୟୁ, ଖାଦ୍ୟ ଓ ସ୍ୱାସ୍ଥ୍ୟ ।
