କଂଗ୍ରେସରେ ମିଶିବେନି ପ୍ରଶାନ୍ତ କିଶୋର | ରାଜନୈତିକ ରଣନୀତିକାର ପ୍ରଶାନ୍ତ କିଶୋର କଂଗ୍ରେସ ଦଳରେ ଯୋଗଦେବାକୁ ମନା କରି ଦେଇଛନ୍ତି। ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି କଂଗ୍ରେସର ବରିଷ୍ଠ ନେତା ରଣଦୀପ ସୁର୍ଯ୍ୟେୱାଲା । ସୂର୍ଯ୍ୟେୱାଲାଙ୍କ ଏହି ଟ୍ୱିଟ୍ ଏବେ ସବୁ ଚର୍ଚ୍ଚା ଉପରୁ ହଟାଇଛି ପରଦା। ଗତ କିଛି ଦିନ ହେବ ପ୍ରଶାନ୍ତ କିଶୋର କଂଗ୍ରେସରେ ଯୋଗ ଦେବା ନେଇ ଚାଲିଥିବା କଳ୍ପନାଜଳ୍ପନାର ଅନ୍ତ ଘଟିଛି |
ରଣଦୀପ ସୁରଜୱାଲା ଟ୍ୱିଟ୍ କରି କହିଛନ୍ତି ଯେ ପ୍ରଶାନ୍ତ କିଶୋରଙ୍କ ସହ ଆଲୋଚନା ଏବଂ ବୈଠକ ପରେ କଂଗ୍ରେସ ସଭାପତି ଲୋକସଭା ନିର୍ବାଚନକୁ ଦୃଷ୍ଟିରେ ରଖି ଏକ କମିଟି ଗଠନ କରିଛନ୍ତି | ଏହି କମିଟିର ସଦସ୍ୟ ଭାବରେ ପ୍ରଶାନ୍ତ କିଶୋରଙ୍କୁ ଦଳରେ ଯୋଗଦେବାକୁ ସୋନିଆ ଗାନ୍ଧୀଙ୍କ ତରଫରୁ ପ୍ରଶାନ୍ତଙ୍କୁ ଅଫର ଦିଆଯାଇଥିଲା । କିନ୍ତୁ ସେ ମନା କରିଦେଇଥିଲେ। କିନ୍ତୁ ଦଳର ହିତ ପାଇଁ ପରାମର୍ଶ ଦେଇଥିବାରୁ ପ୍ରଶାନ୍ତଙ୍କୁ ଧନ୍ୟବାଦ ଜଣାଇଛନ୍ତି ସୁର୍ଯ୍ୟେୱାଲା ।
ଅନ୍ୟପକ୍ଷରେ କଂଗ୍ରେସରେ ଯୋଗଦେବେ ନାହିଁ ବୋଲି ପ୍ରଶାନ୍ତ କିଶୋର ନିଜେ ଘୋଷଣା କରିଛନ୍ତି। ସେ ଟୁଇଟ୍ କରି କହିଛନ୍ତି ଯେ ଦଳରେ ଯୋଗଦେବା ଏବଂ ନିର୍ବାଚନ ପାଇଁ ଦାୟିତ୍ୱ ଗ୍ରହଣ କରିବା ପାଇଁ ମୁଁ କଂଗ୍ରେସର ଉଦାର ପ୍ରସ୍ତାବକୁ ପ୍ରତ୍ୟାଖ୍ୟାନ କରିଛି।
