ଦେଶର ଚାରୋଟି ରାଜ୍ୟରେ ବିଜୟ ଲାଭ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜ ମାଙ୍କୁ ଭେଟିଛନ୍ତି | ୨ ବର୍ଷ ପରେ ମୋଦି ତାଙ୍କ ମା ହୀରାବେନଙ୍କୁ ଭେଟି ପାଦ ଛୁଇଁ ନେଇଛନ୍ତି ଆଶୀର୍ବାଦ | ଆଉ ପରେ ତାଙ୍କ ମାଙ୍କ ସହିତ କରିଥିଲେ ରାତ୍ରିଭୋଜନ ।
ମୋଦୀ ଦିନର ସମସ୍ତ କାର୍ଯ୍ୟକ୍ରମ ଶେଷ କରି ଶୁକ୍ରବାର ରାତିରେ ସାନଭାଇ ପଙ୍କଜ ମୋଦୀଙ୍କ ବାସଭବନରେ ପହଞ୍ଚିଥିଲେ। ସେଠାରେ ସେ ମା ହୀରାବେନଙ୍କୁ ଭେଟିଥିଲେ । ମୋଦିଙ୍କ ଭାଇ ଘର ଗାନ୍ଧିନଗର ଉପକଣ୍ଠରେ ଥିବା ରାଇସାନର ବୃନ୍ଦାବନ ସୋସାଇଟିରେ । ମୋଦୀଙ୍କ ମା ତାଙ୍କ ସାନ ପୁଅ ପଙ୍କଜ ମୋଦୀଙ୍କ ସହ ରୁହନ୍ତି । ସୂଚନା ଥାଉକି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗତକାଲିଠୁ ଦୁଇ ଦିନିଆ ଗୁଜୁରାଟ ଗସ୍ତରେ ଅଛନ୍ତି। ସେ ଶୁକ୍ରବାର ଅହମ୍ମଦାବାଦରେ ଏକ ରୋଡ୍ ସୋ କରିଥିଲେ। ଅହମ୍ମଦାବାଦ ବିମାନବନ୍ଦରରୁ ବିଜେପି କାର୍ଯ୍ୟାଳୟ ‘କମଲାମ’କୁ ୯ କିଲୋମିଟର ଲମ୍ବା ରୋଡ ସୋ କରିଥିଲେ। ଏହା ପରେ ସେ ଗୁଜରାଟ ପଞ୍ଚାୟତ ମହାସମ୍ମେଳନକୁ ସମ୍ବୋଧିତ କରିଥିଲେ।
