ପ୍ରଭାବଶାଳୀ ବ୍ୟକ୍ତି ତାଲିକାର ଦ୍ୱିତୀୟ ସ୍ଥାନରେ ମୋଦି || PM Modi 2nd most influential person on Twitter #NNSODIA

ପୁଣିଥରେ ଚମକିଲେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ମାଇକ୍ରୋ ବ୍ଲଗିଂ ଓ୍ଵେବସାଇଟ ଟ୍ଵିଟରରେ ପୁଣିଥରେ ଚାଲିଲା ମୋଦିଙ୍କ ଯାଦୁ। ଟ୍ଵିଟର ପକ୍ଷରୁ ଚଳିତ ବର୍ଷର ପ୍ରଭାବଶାଳୀ ବ୍ୟକ୍ତିଙ୍କ ତାଲିକା ଜାରି କରାଯାଇଛି। ଯେଉଁଥିରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦ୍ୱିତୀୟ ସ୍ଥାନରେ ରହିଛନ୍ତି। ଟ୍ଵିଟର ବିଶ୍ଵର ମୋଟ ୫୦ଜଣ ପ୍ରଭାବଶାଳୀ ବ୍ୟକ୍ତିଙ୍କ ତାଲିକା ଜାରି କରିଥିବା ବେଳେ ମୋଦି ସମସ୍ତଙ୍କୁ ପଛରେ ପକାଇ ଦ୍ୱିତୀୟ ସ୍ଥାନ ଅଧିକାର କରିଛନ୍ତି। ତେବେ ଆମେରିକା ପ୍ରସିଦ୍ଧ ଗାୟିକା ଟେଲର ସ୍ଵିଫ୍ଟ ଏହି ତାଲିକାରେ ଶୀର୍ଷରେ ରହିଛନ୍ତି। ଅନ୍ୟପଟେ ଏହି ୫୦ ଜଣିଆ ତାଲିକା ମଧ୍ୟରେ କ୍ରିକେଟର ଭଗବାନ ତଥା ଭାରତୀୟ କ୍ରିକେଟ କିମ୍ବଦନ୍ତୀ ସଚିନ୍ ତେନ୍ଦୁଲକର ୩୫ତମ ସ୍ଥାନ ପାଇଛନ୍ତି। ଅନ୍ୟ ମାନଙ୍କ ମଧ୍ୟରେ ଆମେରିକା ଅଭିନେତା ଡ୍ଵେନ ଜନସନ ଓରଫ ଦ ରକ୍, ଲିୟୋନାର୍ଡୋ ଡି କାପ୍ରିୟୋ ଏବଂ ଆମେରିକାର ପୂର୍ବତନ ପ୍ରଥମ ମହିଳା ମିଶେଲ ଓବାମା ରହିଛନ୍ତି। କଞ୍ଜ୍ୟୁମର ଇଣ୍ଟେଲିଜେନ୍ସ କମ୍ପାନୀ ବ୍ରାଣ୍ଡଓ୍ଵାଚ୍ ପକ୍ଷରୁ ଏହି ସର୍ଭେ କରାଯାଇଥିଲା। ନିକଟରେ ମଧ୍ୟ ପ୍ରଧାନମନ୍ତ୍ରୀ ମୋଦୀ ଅନ୍ୟ ଏକ ଏଜେନ୍ସି ଦ୍ଵାରା ହୋଇଥିବା ସର୍ଭେରେ ବିଶ୍ଵର ସବୁଠୁ ଲୋକପ୍ରିୟ ନେତା ସାବ୍ୟସ୍ତ ହୋଇଥିଲେ।