ବଲିଉଡ୍ ଅଭିନେତ୍ରୀ ପରିଣୀତି ଚୋପ୍ରା ନିଜର ପର୍ସନାଲ ଲାଇପ୍ କୁ ନେଇ ଚର୍ଚ୍ଚାରେ ରହିଛନ୍ତି । ଗତ ଏକ ମାସରୁ ଆପ୍ ନେତା ରାଘବ ଚଢାଙ୍କ ସହ ପରିଣୀତି ଚୋପ୍ରାଙ୍କ ବିବାହ କରିବା ଖବର ସୋସିଆଲ ମିଡିଆରେ ଚର୍ଚ୍ଚାରେ ରହିଛି। ଖବର ଅନୁଯାୟୀ ବହୁତ ଜଲଦି ଏମାନେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । କିନ୍ତୁ ଏ ଖବର ସମ୍ପର୍କରେ ପରିଣୀତି କିମ୍ବା ରାଘବଙ୍କ କୌଣସି ମତାମତ ରଖିନାହାଁନ୍ତି ।
ଅଭିନେତ୍ରୀ ପରିଣୀତି ଚୋପ୍ରା ଏବଂ ରାଘବ ଚଢାଙ୍କ ବିବାହ ଖବର ବର୍ତ୍ତମାନ ସୋସିଆଲ୍ ମିଡିଆରେ ଟ୍ରେଣ୍ଡ ଧରିଛି । ବଲିଉଡ ଅଭିନେତ୍ରୀ ପରିଣୀତି ଚୋପ୍ରା, ଆପ୍ ନେତା ରାଘବ ଚଢ଼ାଙ୍କ ସହ ନଜର ଆସିବା ପରେ ଦୁହେଁ ପରସ୍ପରକୁ ଡେଟ୍ କରୁଥିବା ନେଇ ଚର୍ଚ୍ଚା ଆରମ୍ଭ ହୋଇଥିଲା। ଶୁଣିବାକୁ ମିଳୁଛି ଆଗାମୀ ୧୩ ତାରିଖରେ ଦୁହେଁ ନିର୍ବନ୍ଧ ବନ୍ଧନରେ ବାନ୍ଧିହେବ। ସେମାନେ ଦିଲ୍ଲୀଠାରେ ନିର୍ବନ୍ଧ ବାନ୍ଧନରେ ବାନ୍ଧି ହେବେ ବୋଲି ସୂଚନା ରହିଛି।
ତେବେ ଏନେଇ ପରିଣୀତି କି ରାଘବ ଚଢ଼ା କୌଣସି ପ୍ରକାର ପ୍ରତିକ୍ରିୟା ଦେଇ ନଥିବା ବେଳେ ଅଭିନେତ୍ରୀଙ୍କ ବାପା ପବନ ଚୋପ୍ରା କହିଥିଲେ, ‘ଦୁହିଁଙ୍କ ସମ୍ପର୍କକୁ ନେଇ କୌଣସି ମତାମତ ଦେବାକୁ ଏବେ ସମୟ ବାକି ଅଛି, ଏତେ ବ୍ୟସ୍ତ ହେବାର କ’ଣ ଅଛି। ଠିକ ସମୟ ଆସିଲେ ସମସ୍ତେ ସବୁକିଛି ଜାଣି ପାରିବେ।’
