ଏନଏନଏସ୍: ଆଶ୍ୱସ୍ତ ହେଲେ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ୍ । ସୁପ୍ରିମକୋର୍ଟଙ୍କ ରାୟ ପରେ ଜେଲ୍ ରୁ ମୁକୁଳିଛନ୍ତି ଇମ୍ରାନ୍ ଖାନ୍ । ପାକିସ୍ତାନ ସୁପ୍ରିମକୋର୍ଟ ଇମ୍ରାନ ଖାନଙ୍କ ଗିରଫଦାରିକୁ ବେଆଇନ ଦର୍ଶାଇ ତୁରନ୍ତ ଖଲାସ କରିବାକୁ ନିର୍ଦ୍ଦେଶ ଦେଇଥିଲେ । ଏହାପରେ ଇମ୍ରାନ ଖାନଙ୍କୁ ଜେଲରୁ ମୁକ୍ତ କରି ଦିଆଯାଇଛି କିନ୍ତୁ ଘରକୁ ଯିବା ପାଇଁ ଅନୁମତି ଦେଇ ନାହାନ୍ତି ସୁପ୍ରିମକୋର୍ଟ ।
ଇସଲାମାବାଦ ହାଇକୋର୍ଟରେ ଇମ୍ରାନ ହାଜର ହେବାକୁ ଥିବାରୁ ଓ ସୁରକ୍ଷା ଦୃଷ୍ଟିରୁ ପିଟିଆଇ ମୁଖ୍ୟଙ୍କୁ ପୋଲିସ ଲାଇନ ଗେଷ୍ଟ ହାଉସକୁ ପଠାଇ ଦିଆଯାଇଥିଲା । ସେଠାରେ ନିଜ ପରିବାର ଲୋକଙ୍କ ସମେତ ୧୦ ଜଣଙ୍କୁ ସାକ୍ଷାତ କରିବାର ଅନୁମତି ଦିଆଯାଇଛି। ଅନ୍ୟପଟେ ପୋଲିସ ହେପାଜତରୁ ମୁକ୍ତ ହେବା ପରେ ଇମ୍ରାନ ଖାନ ନିଜ ସମର୍ଥକଙ୍କୁ ଶାନ୍ତି ବଜାୟ ରଖିବାକୁ ଅପିଲ କରିଛନ୍ତି ।
