ଭୁବନେଶ୍ୱର(ଏନଏନଏସ୍): ସରକାରୀ ଚାକିରି ଆଶାୟୀଙ୍କ ସୁବର୍ଣ୍ଣ ସୁଯୋଗ । ଓଡ଼ିଶା ଷ୍ଟାଫ୍ ସିଲେକ୍ସନ କମିଶନ(OSSC) ବିଭିନ୍ନ ପଦବୀ ପାଇଁ ବିଜ୍ଞପ୍ତି ଜାରି କରିଛି। କମ୍ବାଇନଡ୍ ହାୟର ସେକେଣ୍ଡାରୀ(ଦଶମ, ଦ୍ୱାଦଶ) କିମ୍ବା ଏହାଠୁ ଅଧିକ ଶିକ୍ଷାଗତ ଯୋଗ୍ୟତା ଥିବା ଆଶାୟୀ ପ୍ରାର୍ଥୀ ଗ୍ରୁପ୍-ବି ଓ ଗ୍ରୁପ୍-ସି ସ୍ପେଶାଲିଷ୍ଟ ପୋଷ୍ଟ/ସର୍ଭିସ୍ ପଦବୀ ପାଇଁ ଆବେଦନ କରିପାରିବେ।
ଓଡ଼ିଶା ସରକାରଙ୍କ ଅଧୀନରେ ଥିବା ବିଭିନ୍ନ ବିଭାଗରେ ନିଯୁକ୍ତି ପାଇଁ ଆବେଦନ କରିପାରିବେ । ଏନେଇ ଜୁନ୍ ୨୬ରେ ଅନଲାଇନ୍ ଆବେଦନ ପ୍ରକ୍ରିୟା ଆରମ୍ଭ ହେବାକୁ ଥିବାବେଳେ ଜୁଲାଇ ୨୬ରେ ଆବେଦନର ଶେଷ ହେବ। ପ୍ରାର୍ଥୀମାନେ ଜୁନ୍ ୨୭ରୁ ଜୁଲାଇ ୩୦ ମଧ୍ୟରେ ଆପ୍ଲିକେସନ୍ ଏଡିଟ୍ କରିପାରିବେ। ଇଚ୍ଛୁକ ପ୍ରାର୍ଥୀ www.ossc.gov.in ୱେବସାଇଟ୍ ଜରିଆରେ ଅନଲାଇନ୍ ଆବେଦନ କରିପାରିବେ।
ଖାଲି ପଡ଼ିଥିବା ପଦବୀ ନାମ ଏବଂ ସଂଖ୍ୟା…
ମୋଟ୍ ପଦବୀ- ୩୫୪
• ଉଇଭିଂ ସୁପରଭାଇଜର୍- ୩
• ସଏଲ୍ କନଜରଭେସନ୍ ଏକ୍ସଟେନ୍ସନ୍ ୱାର୍କର୍ସ- ୨୪୫
• ଟେକ୍ନିକାଲ୍ ଆସିଷ୍ଟାଣ୍ଟ- ୧୯
• ଅମିନ- ୮୭
ଶିକ୍ଷାଗତ ଯୋଗ୍ୟତା:
ଆଶାୟୀ ପ୍ରାର୍ଥୀ ମଧ୍ୟମ ବିଦ୍ୟାଳୟ ପରୀକ୍ଷା ସହ ଓଡ଼ିଆ ବିଷୟରେ ପାସ୍ କରିଥିବା ଜରୁରୀ । ଏଥିସହ HSC ପରୀକ୍ଷା କିମ୍ବା ଏହାଠୁ ଅଧିକ ପରୀକ୍ଷା ସହ ଓଡ଼ିଆ ଭାଷାରେ ପାସ୍ କରିଥିବା ଜରୁରୀ। ଅଧିକ ସୂଚନା ପାଇଁ ଆପଣ ଅଫିସିଆଲ୍ ୱେବ୍ସାଇଟ୍ www.ossc.gov.in ଲିଙ୍କରେ କ୍ଲିକ୍ କରି ଜାଣିପାରିବେ ।
