ଭୁବନେଶ୍ବର,(ଏନଏନଏସ ଓଡ଼ିଆ /୨୪.୦୩): ମାର୍ଚ୍ଚ ୨୯ ତାରିଖରେ ପ୍ରଭୁ ଶ୍ରୀଲିଙ୍ଗରାଜଙ୍କ ପବିତ୍ର ଅଶୋକାଷ୍ଟମୀ ତଥା ରୁକୁଣା ରଥଯାତ୍ରା ଅନୁଷ୍ଠିତ ହେବ l ଏନେଇ ଗତକାଲି ସମନ୍ୱୟ ବୈଠକରେ ରଥ କାଠ ସମସ୍ୟା ପ୍ରସଙ୍ଗରେ ଆଲୋଚନା ହେବା ସହ ରଥ ଯେପରି ସଠିକ୍ ସମୟରେ ପ୍ରସ୍ତୁତ ହେବ, ତା’ଉପରେ ମହାରଣା ସେବାୟତ ଗୁରୁତ୍ୱ ଦେଇଥିଲେ। ମାର୍ଚ୍ଚ ୨୯ ତାରିଖରେ ରୁକଣା ରଥଯାତ୍ରା ଅନୁଷ୍ଠିତ ହେବାକୁ ଥିବା ବେଳେ ଏପ୍ରିଲ ୨ ତାରିଖରେ ପ୍ରଭୁଙ୍କ ବାହୁଡା଼ ଯାତ୍ରା ହେବ। ପ୍ରତ୍ୟେକ ବର୍ଷ ଭଳି ଏଥର କିପରି ଶୃଙ୍ଖଳିତ ନିତିକାନ୍ତି ସହ ପାଳନ କରାଯାଇପାରିବ ସେନେଇ ବୈଠକରେ ଆଲୋଚନା ହୋଇଥିଲା। ୨୯ ତାରିଖ ଭୋର ୫ଟା ସମୟରେ ମଙ୍ଗଳ ଆଳତି ହେବ। ତା’ ପର ଦିନ ପ୍ରାୟ ସାଢ଼େ ଗୋଟାଏରେ ଶ୍ରୀଲିଙ୍ଗରାଜଙ୍କୁ ରଥାରୂଢ଼ କରାଯିବା ପାଇଁ ସ୍ଥିର କରାଯାଇଛି। ଏଥିସହ ରଥଯାତ୍ରା ଓ ବାହୁଡା଼ବେଳେ ବିଦ୍ୟୁତ ସରବରାହ ବିଚ୍ଛିନ୍ନ କରାଯିବ। ଜନସାଧାରଣଙ୍କ ସୁବିଧା ପାଇଁ ୨ଟି ଦମକଳ, ଆମ୍ବୁଲାନ୍ସ , ମୋ ବସ ଓ ପୁଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଯୋଗାଇ ଦେବାକୁ ବୈଠକରେ ନିଷ୍ପତ୍ତି ହୋଇଛି। ଏହି ବୈଠକରେ ମନ୍ତ୍ରୀ ଅଶୋକ ପଣ୍ଡା, ଅତିରିକ୍ତ ଜିଲ୍ଲାପାଳ ପ୍ରଫୁଲ୍ଲ ସ୍ୱାଇଁ, ଝୁଣ୍ଟିଆ ସେବାୟତ ନରସିଂହ ଝୁଣ୍ଟିଆ, ଭୁବନେଶ୍ୱର,ମେୟର, ଏଡିଏମ ପ୍ରଫୁଲ୍ଲ ସ୍ବାଇଁ ଓ ମନ୍ଦିର ନିଯୋଗର ସେବାୟତ ଓ ବିଜୁଳି ବିଭାଗର କର୍ମଚାରୀ ଯୋଗ ଦେଇଥିଲେ।
୨୯ରେ ପ୍ରଭୁ ଶ୍ରୀଲିଙ୍ଗରାଜଙ୍କ ରୁକୁଣା ରଥଯାତ୍ରା
Plugin Install : Subscribe Push Notification need OneSignal plugin to be installed.
