ବର୍ତ୍ତମାନର ଡିଜିଟାଲ ଯୁଗରେ ଲୋକମାନଙ୍କର ଜୀବନଶୈଳୀ ଅନେକ ମାତ୍ରାରେ ସହଜ ଏବଂ ସୁବିଧାଜନକ ହୋଇ ପାରିଛି । ଘରେ ବସି ଅନଲାଇନ୍ ବ୍ୟାଙ୍କିଙ୍ଗ୍ ମାଧ୍ୟମରେ ସବୁ ସମୟରେ ଟଙ୍କା ଶୀଘ୍ର ଏବଂ ସହଜରେ ସ୍ଥାନାନ୍ତର ହୋଇପାରୁଛି । କିନ୍ତୁ ଏସବୁ ସେତେବେଳେ ସମ୍ଭବ ଯେତେବେଳେ ସ୍ମାର୍ଟ ଫୋନ, କମ୍ପ୍ୟୁଟର ଏବଂ ଇଣ୍ଟରନେଟର ସଠିକ ସୁବିଧା ମିଳିପାରୁଥିବା । ସହରାଞ୍ଚଳରେ ଲୋକମାନେ ମୋବାଇଲ୍, କମ୍ପ୍ୟୁଟର ଏବଂ ଇଣ୍ଟରନେଟ୍ ସୁବିଧାରେ କୌଣସି ସମସ୍ୟାର ସମ୍ମୁଖୀନ ହୁଅନ୍ତି ନାହିଁ | କିନ୍ତୁ ଗ୍ରାମାଞ୍ଚଳ ମାନଙ୍କରେ ଇଣ୍ଟରନେଟର ଏତେଟା ସୁବିଧା ନଥାଏ ଏବଂ ଅଧିକାଂଶ ଲୋକଙ୍କ ପାଖରେ ସ୍ମାର୍ଟଫୋନ୍ କିମ୍ବା କମ୍ପ୍ୟୁଟର ନ ଥିବାରୁ ପ୍ରତ୍ୟେକ ବ୍ୟକ୍ତି ଏହି ସୁବିଧା ସୁଯୋଗ ନେବାକୁ ସକ୍ଷମ ନଥାନ୍ତି | ତେଣୁ ଏହି ସମସ୍ୟାକୁ ଦୃଷ୍ଟିରେ ରଖି ଯେପରି ସବୁ ସମୟରେ ଅନଲାଇନ ମାଧ୍ୟମରେ ଏନଇଏଫଟି ଏବଂ ଆରଟିଜିଏସ ରେ ଟଙ୍କା ଟ୍ରାନ୍ସଫର ହେଉଛି , ସେହିପରି ଏନଇଏଫଟି ଏବଂ ଆରଟିଜିଏସ ସେବା ମଧ୍ୟ ଅଫଲାଇନରେ ଆରମ୍ଭ ହୋଇଛି | ଅଫଲାଇନ ଟଙ୍କା ସ୍ଥାନାନ୍ତରଣ ପ୍ରକ୍ରିୟା କଣ ? ଅଫଲାଇନ୍ ଟଙ୍କା ସ୍ଥାନାନ୍ତର ପ୍ରକ୍ରିୟା | ଏନଇଏଫଟି ଏବଂ ଆରଟିଜିଏସ ର ଏହି ଅଫଲାଇନ୍ ସେବା ସେହି ଲୋକଙ୍କ ପାଇଁ ଲାଭଦାୟକ, ଯେଉଁମାନଙ୍କ ପାଖରେ ମୋବାଇଲ୍, କମ୍ପ୍ୟୁଟର କିମ୍ବା ଭଲ ଇଣ୍ଟରନେଟ୍ ସଂଯୋଗ ନାହିଁ କିମ୍ବା ଯେଉଁମାନେ ଅନଲାଇନ୍ ବ୍ୟାଙ୍କିଙ୍ଗ୍ ଟେକ୍ନୋଲୋଜି ବ୍ୟବହାର କରିବା ଜାଣନ୍ତି ନାହିଁ, ସେମାନେ ମଧ୍ୟ ଏହି ସୁବିଧାର ବ୍ୟବହାର କରିପାରିବେ | ଏହି ଅଫଲାଇନ୍ ସୁବିଧା ନେବାକୁ, ଆପଣଙ୍କୁ ବ୍ୟାଙ୍କର ନିକଟତମ ଶାଖାକୁ ଯିବାକୁ ପଡିବ ଯେଉଁଠାରେ ଆପଣଙ୍କର ଆକାଉଣ୍ଟ୍ ଥିବ | ଆପଣଙ୍କୁ ମନେ ରଖିବାକୁ ହେବ କାରଣ ଏହି ସୁବିଧା ସେହି ଶାଖାରେ ଉପଲବ୍ଧ ହୋଇପାରିବ | କିପରି କରିବେ ଅଫଲାଇନ ଟଙ୍କା ସ୍ଥାନାନ୍ତର । ଏନଇଏଫଟି ଏବଂ ଆରଟିଜିଏସ ପାଇଁ ଆପଣଙ୍କୁ ବ୍ୟାଙ୍କରେ ଏକ ଫର୍ମ ପୂରଣ କରିବାକୁ ପଡିବ ଯାହାକୁ ଏନଇଏଫଟି କିମ୍ବା ଆରଟିଜିଏସ ଫଣ୍ଡ ଟ୍ରାନ୍ସଫର ରିକ୍ୱେଷ୍ଟ ଫର୍ମ କୁହାଯାଏ | ଏଥିରେ ଆପଣଙ୍କୁ ଟଙ୍କା ପଠାଇବାକୁ ଥିବା ବ୍ୟକ୍ତିଙ୍କ ନାମ, ଆକାଉଣ୍ଟ ନମ୍ବର, ବ୍ୟାଙ୍କ ନାମ, ଆଇଏଫଏସସି କୋଡ୍ ଏବଂ ଟଙ୍କାର ପରିମାଣ ପୂରଣ କରିବାକୁ ପଡିବ | ଏହି ଫର୍ମ ସହିତ, ଆପଣଙ୍କୁ ସମାନ ପରିମାଣର ଏକ ଚେକ୍ ମଧ୍ୟ ସଂଲଗ୍ନ କରିବାକୁ ପଡିବ | ଏଵଂ ଏହାକୁ ବ୍ୟାଙ୍କରେ ଜମା କରିବା ପରେ ଆପଣଙ୍କର ଟଙ୍କା ଏନଇଏଫଟି କିମ୍ବା ଆରଟିଜିଏସ ମାଧ୍ୟମରେ ସ୍ଥାନାନ୍ତରିତ ହୋଇଯିବ | ଏଥିପାଇଁ ଆପଣଙ୍କୁ ବ୍ୟାଙ୍କକୁ କିଛି ଦେୟ ଦେବାକୁ ପଡିବ | ପାଣ୍ଠି ସ୍ଥାନାନ୍ତର ପାଇଁ ଆଇଏଫଏସସି କୋଡ୍ ଆବଶ୍ୟକ କି ନାହିଁ । ଅଫଲାଇନ୍ ଏନଇଏଫଟି ଏବଂ ଆରଟିଜିଏସ ମାଧ୍ୟମରେ ପାଣ୍ଠି ସ୍ଥାନାନ୍ତର କରିବାକୁ, ବ୍ୟାଙ୍କ ଶାଖାର ଆଇଏଫଏସସି କୋଡ୍ ରହିବା ଆବଶ୍ୟକ | ଏହି କୋଡ଼ ପ୍ରତ୍ୟେକ ଶାଖା ପାଇଁ ଭିନ୍ନ ଅଟେ | ଯଦି ଆପଣମାନେ ଏପରି ଅଧିକ ତଥ୍ୟ ବିଷୟରେ ଜାଣିବାକୁ ଚାହାଁନ୍ତି ରେ ଆମକୁ ୟୁଟ୍ୟୁବ, ଫେସବୁକ ଏବଂ ଟ୍ୱିଟରରେ ଶୀଘ୍ର ଲାଇକ ସେୟାର ଅଣ୍ଡ subscribe କରନ୍ତୁ। ଆମେ ନେଇ ଆସିବୁ ଏପରି ଅନେକ ତଥ୍ୟ ଆପଣ ମାନଙ୍କ ପାଇଁ ।
#NEFT #RTGS #NNSODIA
