ଏନଏନଏସ୍: ସ୍କୁଲ ବହି ବିକ୍ରି କରି କାର୍ଯ୍ୟରୁ ନିଲମ୍ବିତ ହେଲେ ଖୋର୍ଦ୍ଧା ଜିଲ୍ଲା ବୋଲଗଡ଼ ବ୍ଲକ କ୍ଲଷ୍ଟର ସିଆରସିସି ମନମୋହନ ମିଶ୍ର । ସିଆରସିସି ମନମୋହନ ମିଶ୍ରଙ୍କୁ ସସପେଣ୍ଡ କରିଛନ୍ତି ବ୍ଲକ ଶିକ୍ଷା ଅଧିକାରୀ । ସ୍କୁଲ ବହି ବିକ୍ରି କରିବା ବେଳେ ଗାଁ ଲୋକଙ୍କ ହାତରେ ଧରାପଡିଥିଲେ ମନମୋହନ ।
ସୂଚନାଯୋଗ୍ୟ ଦେଉଳି ସ୍ଥିତ ସତମାର୍ଗ ଇଂରାଜୀ ବିଦ୍ୟାଳୟକୁ ପ୍ରଥମରୁ ଅଷ୍ଟମ ଶ୍ରେଣୀ ଯାଏ ଛାତ୍ରଛାତ୍ରୀଙ୍କ ପାଇଁ ବହି ଆସିଥିଲା । କିନ୍ତୁ ଏହି ବହିକୁ ପିଲାମାନଙ୍କୁ ନବାଣ୍ଟି କବାଡି ବାଲାକୁ ବିକ୍ରି କରୁଥିଲେ । ଏହି ସମୟରେ ଗ୍ରାମବାସୀ ଓ ବ୍ଲକ ଉପାଧ୍ୟକ୍ଷ ପହଞ୍ଚି ସିଆରସିସିଙ୍କୁ ଅଟକ ରଖିବା ସହ କାନ ଧରି ବସଉଠ କରାଇଛନ୍ତି । ଯାହାର ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି ।
