ଭାରତରେ ଚିହ୍ନଟ ହେଲା ନିପା ଭାଇରସ । ଗତ ରବିବାର ଦିନ କେରଳର କୋଜିକୋଡେରେ ନିପା ଭାଇରସରେ ସଂକ୍ରମିତ ହୋଇ ଜଣେ ୧୨ ବର୍ଷ ବାଳକର ମୃତ୍ୟୁ ଘଟିଛି । ଏଥି ସହିତ ସାମାନ୍ୟ ଲକ୍ଷଣ ଥିବା ଆଠ ଜଣଙ୍କ ନମୁନା ଯାଞ୍ଚ ପାଇଁ ନ୍ୟାସନାଲ ଇନଷ୍ଟିଚ୍ୟୁଟ ଅଫ ଭାଇରୋଲୋଜି (NIV) ପୁଣେକୁ ପଠାଯାଇଛି। ଜନସ୍ୱାସ୍ଥ୍ୟ ବ୍ୟବସ୍ଥାରେ ରାଜ୍ୟକୁ ସହାୟତା କରିବା ପାଇଁ କେରଳକୁ ପଠାଯାଇଥିବା କେନ୍ଦ୍ରୀୟ ଦଳ ଏହି ଭୂତାଣୁରେ ମୃତ୍ୟୁବରଣ କରିଥିବା ବାଳକଙ୍କ ଘରକୁ ଯାଇଥିଲେ। ଏହି ଟିମ୍ ନିକଟସ୍ଥ ଆଖପାଖରୁ ରାମ୍ବୁଟାନ୍ ଫଳର ନମୁନା ମଧ୍ୟ ସଂଗ୍ରହ କରିଥିଲା, କାରଣ ପରିବାର ଲୋକଙ୍କ କହିବା ଅନୁଯାୟୀ ଏହି ଫଳ ଖାଇବା ପରେ ବାଳକ ଜଣକ ସଂକ୍ରମିତ ହୋଇଥିଲେ । ତେବେ ଆସନ୍ତୁ ଜାଣିବା ନିପା ଭାଇରସ ସମ୍ବନ୍ଧୀୟ କିଛି ଜରୁରୀ ତଥ୍ୟ । ନିପା ଭାଇରସ୍ (NiV) ଏକ ଜୁନୋଟିକ୍ ଜୀବାଣୁ ଯାହା ଦୂଷିତ ଖାଦ୍ୟ ମାଧ୍ୟମରେ କିମ୍ବା ସିଧାସଳଖ ମନୁଷ୍ୟ ଏବଂ ପଶୁ ମାନଙ୍କ ମଧ୍ୟରେ ମଧ୍ୟ ସଂକ୍ରମିତ ହୋଇପାରେ । ଏହି ଭାଇରସ୍ ଫଳ,ବାଡୁଡ଼ି ଘୁଷୁରି କିମ୍ବା ଅନ୍ୟ ସଂକ୍ରମିତ ଲୋକଙ୍କ ଦ୍ଵାରା ବ୍ୟାପିଥାଏ – ଯାହାର ଅର୍ଥ ଏହା ସଂକ୍ରାମକ ଅଟେ। ଅତୀତରେ ମାଲେସିଆରେ ଘୁଷୁରି ଚାଷୀଙ୍କ ମଧ୍ୟରେ ଆକ୍ରାନ୍ତ ସମୟରେ ନିପା ଭାଇରସ୍ ପ୍ରଥମେ ୧୯୯୯ ରେ ଚିହ୍ନଟ ହୋଇଥିଲା | ୨୦୦୧ରେ ଏହା ବାଂଲାଦେଶରେ ମଧ୍ୟ ଚିହ୍ନଟ ହୋଇଥିଲା । ପୂର୍ବ ଭାରତରେ ମଧ୍ୟ ଏହି ରୋଗ ଚିହ୍ନଟ କରାଯାଇଛି । । ଲକ୍ଷଣ ଅନୁଯାୟୀ ସଂକ୍ରମିତ ଲୋକମାନଙ୍କ ଠାରେ ଆରମ୍ଭରେ ଜ୍ୱର, ମୁଣ୍ଡବିନ୍ଧା, ମାଂସପେଶୀ ଯନ୍ତ୍ରଣା, ବାନ୍ତି ଏବଂ ଗଳା ଯନ୍ତ୍ରଣା ଭଳି ଲକ୍ଷଣ ଦେଖାଦେଇଥାଏ ଏବଂ ପରବର୍ତ୍ତୀ ସମୟରେ ମୁଣ୍ଡ ବୁଲାଇବା, ନିଦ୍ରାହୀନତା,ଏବଂ ଏନସେଫାଲାଇଟିସ୍ ମଧ୍ୟ ଦେଖା ଦେଇଥାଏ | କେତେକ ଲୋକ ତୀବ୍ର ଶ୍ୱାସକ୍ରିୟାରେ ଅସୁବିଧା ଅନୁଭବ କରିପାରନ୍ତି | who ର ସୂଚନା ଅନୁଯାୟୀ ପ୍ରାୟ ୨୪ ରୁ ୪୮ ଘଣ୍ଟା ମଧ୍ୟରେ କୋମାକୁ ଯିବାର ସମ୍ଭାବନା ରହିଛି | ନିପା ଭାଇରସ୍ ସଂକ୍ରମଣର ପ୍ରାରମ୍ଭିକ ଲକ୍ଷଣଗୁଡ଼ିକ ସହଜରେ ଜଣାପଡେ ନାହିଁ | ତେଣୁ ସଠିକ୍ ନିରାକରଣରେ ବାଧା ସୃଷ୍ଟି ହୋଇଥାଏ । ନିପା ଜୀବାଣୁ ସଂକ୍ରମଣ ରୋକିବା ପାଇଁ ବର୍ତ୍ତମାନ ପର୍ଯ୍ୟନ୍ତ କୌଣସି ଔଷଧ କିମ୍ବା ଟିକା ପ୍ରସ୍ତୁତ ହୋଇନାହିଁ । ତେଣୁ ସୁରକ୍ଷିତ ରହିବା ପାଇଁ ନିୟମିତ ଭାବେ ଭାବେ ହାତ ଧୋଇବା ଅଭ୍ୟାସ କରନ୍ତୁ | ଅସୁସ୍ଥ ବାଡୁଡ଼ି କିମ୍ବା ଘୁଷୁରୀ ସମ୍ପର୍କରୁ ଦୂରେଇ ରୁହନ୍ତୁ | ବାଦୁଡ଼ିମାନେ ରହୁଥିବା ସ୍ଥାନରୁ ଦୂରେଇ ରୁହନ୍ତୁ | କଞ୍ଚା ଖଜୁରୀ ଖଜୁରୀ ଖାଇବା ଠାରୁ ଦୂରେଇ ରୁହନ୍ତୁ | ଅନ୍ୟ ଜୀବ ଜନ୍ତୁ ଖାଇଥିବା ଫଳ ଖାଆନ୍ତୁ ନାହିଁ । NiV ସଂକ୍ରମିତ ଥିବା ବ୍ୟକ୍ତିଙ୍କ ଠାରୁ ସମ୍ପର୍କରୁ ଦୂରେଇ ରୁହନ୍ତୁ |
#NipahVirus #NNSODIA
