ଭିଜିଲାନ୍ସ ଜାଲରେ ଧରା ପଡିଛନ୍ତି ଜଣେ ତହସିଲ ଅଫିସ କିରାଣୀ | ସେ ହେଲେ ଜଗତସିଂହପୁର ଜିଲ୍ଲା ନାଉଗାଁ ତହସିଲ ଅଫିସର କିରାଣୀ ପ୍ରାଣକୃଷ୍ଣ ନାୟକ । ପ୍ରାଣକୃଷ୍ଣ ଜଣେ ହାଇୱା ଟ୍ରକ ମାଲିକଙ୍କଠାରୁ ୨୦ ହଜାର ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରାପଡ଼ିଛନ୍ତି | ନଦୀ ପଠାରୁ ବେଆଇନ ଭାବେ ବାଲି ଉଠାଉଥିବା ବେଳେ ନାଉଗାଁ ତହସିଲ ଅଫିସ ପକ୍ଷରୁ ସ୍ଥାନୀୟ ସାଳ ଗାଁର ନଗେନ୍ଦ୍ର ଜେନାଙ୍କ ଏକ ହାଇୱା ଟ୍ରକକୁ ଜବତ କରାଯାଇଥିଲା | ଉକ୍ତ ହାଇୱା ଟ୍ରକକୁ ଖସାଇ ଦେବାକୁ ଟ୍ରକ ମାଲିକ ନଗେନ୍ଦ୍ର ଜେନାଙ୍କଠାରୁ କିରାଣୀ ପ୍ରାଣକୃଷ୍ଣ 20 ହଜାର ଟଙ୍କା ଲାଞ୍ଚ ନେଉଥିଲେ | କୌଣସି ସୂତ୍ରରୁ ଖବର ପାଇ ଭିଜିଲାନ୍ସ ଟିମ ତାଙ୍କୁ ଗିରଫ କରିଛନ୍ତି | ତେବେ ଭିଜିଲାନ୍ସ ଟିମ କିରାଣୀ ପ୍ରାଣକୃଷ୍ଣଙ୍କୁ ଗିରଫ କରିବା ସମୟରେ ଧସ୍ତା ଧସ୍ତି ହେବା ଯୋଗୁ ଜଣେ ଭିଜିଲାନ୍ସ ଅଧିକାରୀ ଆହତ ହୋଇଥିବା ଜଣାଯାଇଛି ।
୨୦ ହଜାର ଟଙ୍କା ଲାଞ୍ଚ ନେବାବେଳେ କାବୁ କଲା ଭିଜିଲାନ୍ସ ଟିମ
Plugin Install : Subscribe Push Notification need OneSignal plugin to be installed.
