ଭୁବନେଶ୍ବର,(ଏନଏନଏସ ଓଡ଼ିଆ /୨୧.୦୩): ଭାରତର ଲୋକମାନେ ଦୀର୍ଘ ସମୟ ଧରି ନିଜ କେଶରେ ସୋରିଷ ତେଲ ବ୍ୟବହାର କରି ଆସୁଛନ୍ତି । ଏହା କେଶକୁ ଶକ୍ତିଶାଳୀ, ମୋଟା ଏବଂ କଳା କରିଥାଏ। ସୋରିଷ ତେଲ କେଶ ପାଇଁ ବହୁତ ଫଳପ୍ରଦ ବୋଲି କୁହାଯାଏ। ଏହା ବ୍ୟତୀତ ସୋରିଷ ତେଲ କେଶର ଗଭୀରକୁ ଯାଇ ଚୁଟି ମୁଳ ମଜବୁତ୍ କରେ। ତେବେ କେଶରେ ସୋରିଷ ତେଲ ଲଗାଇବାର ସଠିକ୍ ଶୈଳୀ ଏବଂ ଲାଭ କ’ଣ ଜାଣିଛନ୍ତି କି? ଯଦି ନାହିଁ ତାହାଲେ ଜାଣନ୍ତୁ ଏହା ବିଷୟରେ ।
କେଶରେ ସୋରିଷ ତେଲ କିପରି ବ୍ୟବହାର କରାଯାଏ-
କେଶକୁ ସୁସ୍ଥ ରଖିବା ପାଇଁ ୧ ଚାମଚ ସୋରିଷ ତେଲ ନିଅନ୍ତୁ, ଏହାକୁ ୧ ଚାମଚ ବାଦାମ ତେଲ କିମ୍ବା ୧ ଚାମଚ ଜୋଜୋବା ତେଲ ସହିତ ମିଶାଇ ହାଲୁକା ଗରମ କରି ନିଅନ୍ତୁ । ତାପରେ ଧିରେ ଧିରେ କେଶର ମୂଳରେ ଭଲ ଭାବରେ ଲଗାନ୍ତୁ । ପ୍ରାୟ ୧ ଘଣ୍ଟା ରଖିବା ପରେ କେଶକୁ ଉଷୁମ ପାଣିରେ ଧୋଇ ଦିଅନ୍ତୁ । ଏହା ବ୍ୟତୀତ ପାପୁଲିରେ ସୋରିଷ ତେଲ ନେଇ ଏହାକୁ କେଶରେ ଲଗାନ୍ତୁ ଏବଂ ପରେ ସାମ୍ପୁ କରନ୍ତୁ ।
କେଶ ପାଇଁ ସୋରିଷ ତେଲର ଉପକାର –
୧- ସୋରିଷ ତେଲ ଲଗାଇବା ଦ୍ବାରା କେଶର ସଠିକ୍ ପୁଷ୍ଟି ହୁଏ । ଏହା କେଶ ଝଡ଼ିବା ଏବଂ ପତଳା ହେବାର ସମସ୍ୟାକୁ ଦୂର କରିଥାଏ ।
୨-ସୋରିଷ ତେଲରେ ଭିଟାମିନ୍ ଏ, ଡି, ଇ ଏବଂ କେ ଥାଏ । ଏହା ବ୍ୟତୀତ ଆଇରନ୍ ଏବଂ ମ୍ୟାଗ୍ନେସିୟମ୍ ମଧ୍ୟ ମିଳିଥାଏ । ଯାହା କେଶ ସମସ୍ୟାକୁ ଦୂର କରିଥାଏ ।
୩-ସୋରିଷ ତେଲ ଲଗାଇ ଦ୍ବାରା କେଶକୁ ପ୍ରାକୃତିକ କଣ୍ଡିସ୍ନିଂ କରିଥାଏ । ଏହା କେଶକୁ ମୋଟା ଏବଂ ସୁସ୍ଥ କରିଥାଏ ।
୪-କେଶର ବୃଦ୍ଧି ପାଇଁ ସୋରିଷ ତେଲ ଅତ୍ୟନ୍ତ ଲାଭଦାୟକ, ଏଥିରେ ଓମେଗା -୩ ଫ୍ୟାଟି ଏସିଡ୍, ବିଟା-କାରୋଟିନ୍ ଏବଂ ସେଲେନିୟମ୍ ରହିଥାଏ । ଯାହା କେଶ ବଢିବାରେ ସାହାଯ୍ୟ କରିଥାଏ ।
