ସାଂସଦ ଅପରାଜିତା ଷଡଙ୍ଗୀଙ୍କ ପୁରୀ ଗସ୍ତକୁ ନେଇ ଚର୍ଚ୍ଚା ଜୋର ଧରିଛି | ଶ୍ରୀମନ୍ଦିର ଐତିହ୍ୟ କରିଡର ପ୍ରକଳ୍ପକୁ ନେଇ ଚାଲିଥିବା ବିବାଦ ମଧ୍ୟରେ ଆଜି ପୁରୀ ଗସ୍ତ କରିଛନ୍ତି ସାଂସଦ ଅପରାଜିତା | ପୁରୀ ଗସ୍ତ ସମୟୟର ଅପରାଜିତାଙ୍କୁ ଅଧା ବାଟରେ ଅଟକାଇଥିଲା ପୋଲିସ । ଏକାଧିକ ଗାଡି ନେଇ ପୁରୀ ଯାଉଥିବାରୁ ଅନୁମତି ଦେଇନଥିଲା ପୋଲିସ । ତେଣୁ କିଛି ବାଟ ଚାଲି ଚାଲି ଯାଇଥିଲେ ଅପରାଜିତା । ପରେ ମାଳତୀପାଟପୁରରୁ କାରରେ ଯିବା ପାଇଁ ଅନୁମତି ଦେଇଥିଲା ପ୍ରଶାସନ ।
ପଛେ ପଛେ ଛୁଟିଥିଲା ସମର୍ଥକମାନଙ୍କ ଗାଡ଼ି । ଅପରାଜିତା ପୁରୀରେ ପହଞ୍ଚି ସମର୍ଥକଙ୍କ ସହ ବଡ଼ଦାଣ୍ଡରେ ଚାଲି ଚାଲି ପହଞ୍ଚିଥିଲେ ସିଂଦ୍ୱାରରେ । ପରେ ଅପରାଜିତା ଶ୍ରୀଜିଉଙ୍କ ଦର୍ଶନ କରିଥିଲେ | ଶ୍ରୀମନ୍ଦିରକୁ ଗଲାବେଳେ ଅପରାଜିତାଙ୍କ ଉପରେ ଅଣ୍ଡମାଡ ହୋଇଥିବା ଖବର ଆସିଛି ।
ପୁରୀ ଗସ୍ତ ଅବସରରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ନେଇ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି ଅପରାଜିତା । ଏଏସଆଇର ଅନୁମତି ନନେଇ କେମିତି କାମ ହେଲା ବୋଲି ପ୍ରଶ୍ନ କରିଛନ୍ତି ଅପରାଜିତା ଷଡଙ୍ଗୀ । ଅନ୍ୟପକ୍ଷରେ ଅପରାଜିତାଙ୍କ ପଦଯାତ୍ରା ପାଇଁ ପୁରୀ ଜିଲ୍ଲାପାଳ ଅନୁମତି ଦେଇ ନ ଥିବା ଖବରକୁ ଖଣ୍ଡନ କରିଛନ୍ତି ସାଂସଦ। କୌଣସି ପଦଯାତ୍ରା ପାଇଁ ଅନୁମତି ମାଗିନଥିଲୁ, ନ ଦେବାର ପ୍ରଶ୍ନ ଉଠୁନି ବୋଲି ସେ କହିଛନ୍ତି।
