ମିସ୍ ରୁ ମିସେସ ହେଲେ ଅଭିନେତ୍ରୀ ମୌନୀ ରାୟ । ବିବାହ ବନ୍ଧନରେ ବାନ୍ଧି ହୋଇଛନ୍ତି ସିରିଏଲ ଜଗତର ଲୋକପ୍ରିୟ ଅଭିନେତ୍ରୀ ମୌନୀ । ଆଜି ଦକ୍ଷିଣ ଭାରତୀୟ ପରମ୍ପରାରେ ମୌନୀ ଏବଂ ସୁରଜ ନାମ୍ବିଆର୍ ଙ୍କ ହାତଗଣ୍ଠି ପଡିଛି | ବିବାହ ମଣ୍ଡପରେ ସ୍ୱାମୀଙ୍କ ସହ ଫଟୋକୁ ସୋସିଆଲ ମିଡିଆରେ ସେୟାର କରିଛନ୍ତି ମୌନୀ । ସାଉଥ୍ ଗେଟଅପରେ ମୌନିଙ୍କୁ ଦେଖିବାକୁ ମିଳିଛି । ତାଙ୍କର ଏହି ସିମ୍ପଲ ଗେଟଅପକୁ ବେଶ ପ୍ରଶଂସା କରିଛନ୍ତି ୟୁଜର୍ସ । ବିବାହ ମଣ୍ଡପରେ ଦୁହିଁଙ୍କ ଯୋଡିକୁ ଖୁବ ପ୍ରଶଂସା ମିଳିଛି । ମୌନୀ ବଙ୍ଗାଳି ହୋଇଥିବା ବେଳେ ତାଙ୍କ ସ୍ୱାମୀ ସୁରଜ ଜଣେ ଦକ୍ଷିଣ ଭାରତୀୟ। ସ୍ୱାମୀ ସୁରଜଙ୍କ ସଂସ୍କୃତିକୁ ସମ୍ମାନ ଦେଇ ମୌନୀ ଦକ୍ଷିଣ ଭାରତୀୟ ରୀତିନୀତିରେ ବିବାହ କରିଥିବା କହିଛନ୍ତି। ସୁରଜ ଗୋଲଡେନ୍ କଲର ସେରୱାନୀରେ ନଜର ଆସୁଥିବାବେଳେ ମୌନି ଏକ ଧଳା ସହ ଲାଲ ବର୍ଡର ସିଲ୍କ ଶାଢୀରେ ନଜର ଆସିଛନ୍ତି । ମୌନି ଅଣ୍ଟାରେ ଏକ ଗୋଲଡେନ୍ ରଙ୍ଗର ଅଣ୍ଟାସୁତା ବାନ୍ଧିଛନ୍ତି | ଫଳରେ ସେ ଜଣେ ଟିପିକାଲ ମାଲାୟାଲାମ ବୋହୂ ଭଳି ଦେଖାଯାଉଛନ୍ତି |
