ଭୁବନେଶ୍ୱର,୧୦.୦୪.୨୦୨୩ (ଏନଏନଏସ ଓଡ଼ିଆ) : କାଲି ଠୁ ସକାଳୁଆ ସ୍କୁଲ । ସକାଳ ୭ଟାରୁ ୧୧.୩୦ ପର୍ୟ୍ୟନ୍ତ ଚାଲିବ ସ୍କୁଲ । ଏନେଇ ପ୍ରାଥମିକ ଶିକ୍ଷା ନିର୍ଦ୍ଦେଶକ ଜ୍ୟୋତିରଞ୍ଜନ ମିଶ୍ର ସୂଚନା ଦେଇଛନ୍ତି । 
ଖବର ଅନୁଯାୟୀ, ରାଜ୍ୟରେ ଏବେ ଗ୍ରୀଷ୍ମ ପ୍ରବାହ ବଢିବାରେ ଲାଗିଛି । ଲଗାତର କିଛି ଦିନ ଧରି ତାପମାତ୍ରା ଉପରମୁହାଁ ରହିଛି । ଏହିକ୍ରମରେ ଟାଣ ଖରାକୁ ଦୃଷ୍ଟିରେ ରଖି ରାଜ୍ୟର ସମସ୍ତ ସ୍କୁଲକୁ ସକାଳୁଆ କରିବାକୁ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ମଙ୍ଗଳବାର ସକାଳୁଆ ସ୍କୁଲ ଆରମ୍ଭ ହେବ । ଏହା ପ୍ରତିଦିନ ୭ଟାରୁ ଆରମ୍ଭ ହୋଇ ୧୧.୩୦ ପର୍ୟ୍ୟନ୍ତ ଚାଲିବ । ଏହି ସମୟରେ ସ୍କୁଲ ପାଣି ପିଇବା ଠାରୁ ସମସ୍ତ ପ୍ରକାର ସୁବିଧାର ବ୍ୟବସ୍ଥା କରାଯାଇଛି ।
