ଏନଏନଏସ୍: ହୁତୁହୁତୁ ହୋଇ ଜଳିଗଲା ମୋ ବସ୍ । ଖବର ଅନୁଯାୟୀ ରାଉରକେଲାରୁ ବେଦବ୍ୟାସ ଅଭିମୁଖେ ଯାଉଥିବା ବେଳେ ଟିସିଆଇ ଛକ ନିକଟରେ ମୋ ବସରେ ନିଆଁ ଲାଗିଥିଲା । ନିଆଁ ଲାଗିବା କ୍ଷଣି ଗାଡି ଡ୍ରାଇଭର ତୁରନ୍ତ ବସ୍ ରୁ ସମସ୍ତ ଯାତ୍ରୀଙ୍କୁ ଓହ୍ଲାଇ ଦେଇଥିଲେ । ଯାହାଦ୍ୱାରା ଯାତ୍ରୀମାନଙ୍କର କୌଣସି କ୍ଷୟକ୍ଷତି ହୋଇନଥିବା ସୂଚନା ମିଳିଛି ।
ସ୍ଥାନୀୟ ଲୋକଙ୍କ କହିବାନୁଯାୟୀ ହଠାତ୍ ମୋ ବସ୍ ରେ ନିଆଁ ଲାଗିଯାଇଥିଲା । ଚାହୁଁ ଚାହୁଁ ବସ୍ ରେ ଏତେ ଜୋର୍ ରେ ନିଆଁ ବ୍ୟାପି ଯାଇଥିଲା, ଯାହାଫଳରେ ନିଆଁକୁ ଆୟତ୍ତ କରିବା କଷ୍ଟକର ହୋଇପଡ଼ିଥିଲା । ଫଳରେ ମୋ ବସ୍ ଟି ଜଳିପୋଡି ଛାରଖାର ହୋଇଯାଇଥିଲା । ଅନ୍ୟପଟେ ଗାଡି ରେ ନିଆଁ କାହିଁକି ଲାଗିଲା ସେନେଇ ସ୍ପଷ୍ଟ ସୂଚନା ମିଳିପାରିନାହିଁ ।
